متحدہ عرب امارات کی شہریت حاصل کرنے کیلئے نئی پالیسی آگئی

تفصیلات کے مطابق قانون میں ترمیم کا اعلان متحدہ عرب امارات کے نائب صدر شیخ  محمد بن راشد نےاپنے ٹوئٹر پیغام میں کیا۔ترمیم کے تحت سرمایہ کاروں،ہنرمند افراد اور پیشہ وارانہ افراد اور ان کے خاندان کو اماراتی شہریت دی جائے گی۔ڈاکٹرز، انجینئرز، آرٹسٹ ، مصنفین  اور خاندان والے  بھی اماراتی شہریت حاصل کرنے کےاہل ہوں گے۔

شہریت کس کو دی جائے گی؟،  یہ فیصلہ طے کردہ معیار کو مدِ نظر رکھتے ہوئےاماراتی کابینہ، مقامی عدالتیں  اور ایگزیکٹیو کونسلز کریں گی۔پہلے سے اماراتی پاسپورٹ رکھنے والے افراد کی شہریت برقراررہے گی۔ شیخ  محمد بن راشدکاکہناہےکہ نئے اقدام کا مقصد باصلاحیت افراد کو اپنی جانب متوجہ کرناہے جوملکی ترقی میں اہم کردار اداکریں گے۔