پاکستان اور چین کا دوطرفہ سیکیورٹی تعاون مضبوط کرنے کے عزم کااظہار

تفصیلات کے مطابق دونوں وزرائے خارجہ نے دوطرفہ شراکت داری اوراقوام متحدہ سمیت تمام فورموں پر کثیرجہتی تعاون کے بارے میں تفصیلی تبادلہ خیال کیا ۔ وزیرخارجہ نے تباہ کن سیلاب میں پاکستان کی فوری مدد کرنے پر چین کی قیادت ، حکومت اور عوام کاشکریہ ادا کیا۔

وزیراعظم محمد شہباز شریف اورصدر شی جن پنگ کے درمیان جمعرات کو ثمرقندمیں سربراہ ملاقات کا ذکر کرتے ہوئے دونوں وزرائے خارجہ نے تذویراتی تعاون کو مزید مستحکم کرنے ، ایک دوسرے کے اہم مفادات اور بڑے تحفظات کے لئے حمایت میں اضافے کے مکمل عزم کااعادہ کیا ہے۔

انہوں نے معاشی روابط بڑھانے ، سی پیک پرکام کی رفتار تیز کرنے اوردوطرفہ سیکیورٹی تعاون مضبوط کرنے کے عزم کابھی اظہارکیا۔

وزیرخارجہ نے اقوام متحدہ کے منشور کے مقاصد اوراصولوں پرمبنی کثیرجہتی مسائل، آزادتجارت اور ترقی کے بارے میں چین کے ساتھ پاکستان کے قریبی تعلقات کواجاگرکیا۔