انجلینا جولی پاکستان کے سیلاب زدہ علاقوں کا دورہ کریں گی

 غیر سرکاری تنظیم انٹرنیشنل ریسکیو کمیٹی (آئی آر سی)  کے مطابق  انجلینا  جولی پاکستان میں سیلاب سے متاثرہ علاقوں کا دورہ کریں گی اور متاثرین کی مشکلات کو حل کرنے کے اقدامات کریں گی ۔

اداکارہ مختلف علاقوں کے دورے  میں امدادی کارروائیوں کو اجاگر کریں گی اور موسمیاتی تبدیلیوں کے باعث ہونے والی تباہی سے بچاؤ کے حوالے سے اقدامات کی ضرورت پر زور دیں گی۔

آئی آر سی اس حوالے سے  پرامید ہے کہ انجلینا جولی کے دورے سے موسمیاتی تبدیلیوں کا معاملہ ابھر کر سامنے آئے گا اور اس سے متاثر ہونے والے پاکستان جیسے ممالک کی مدد کی راہ ہموار ہو گی۔

BREAKING: International humanitarian Angelina Jolie is with the IRC visiting Pakistan to see and hear from people affected by recent floods.

With more rains expected in the coming months, we hope her visit will help the world wake up and take action. https://t.co/Q3qeB7x5Ah

— IRC - International Rescue Committee (@RESCUEorg) September 19, 2022

یاد رہے کہ ہالی وڈ  اداکارہ نے 2010 میں آنے والے سیلاب کے موقع پر بھی انہوں نے پاکستان کا دورہ کیا تھا جبکہ اس سے قبل 2005 میں آنے والے تباہ کن زلزلے کے بعد بھی وہ متاثرین کے ساتھ اظہار یکجہتی کے لیے پاکستان پہنچی تھیں۔

خیال رہے کہ پاکستان بھر میں شدید بارشوں کے باعث سیلاب نے تقریباً  33 ملین افراد کو متاثر کیا ہے۔