آئی سی سی کی جانب سے کھیل کے طریقہ کار میں تبدیلیوں کا اعلان

تفصیلات کے مطابق کرکٹ کے کھیل میں تبدیلیاں یکم  اکتوبر 2022 سے نافذ العمل ہوں گی ۔ آئی سی سی کے نئے قوانین کے مطابق گیند پر تھوک لگانے کی پابندی کو مستقل کرنے کا اعلان کردیا گیا ہے۔

اس سے قبل کورونا وائرس کے باعث گیند پر تھوک لگانے پر عارضی پابندی لگائی گئی تھی۔

آئی سی سی نے اعلان کیا ہے کہ بلے باز رن لینے کے دوران اگر آؤٹ ہوا تو نیا آنے والا کھلاڑی اسٹرائیکر اینڈ پر ہی آئے گا۔

A host of important changes to the Playing Conditions that come into effect at the start of next month ?https://t.co/4KPW2mQE2U

— ICC (@ICC) September 20, 2022

اس کے علاوہ نئے آنے والے بلے باز کو ٹیسٹ اور ون ڈے میں 2 منٹ کے اندر اسٹرائیک لینے کے لیے تیار رہنا ہوگا۔ٹی 20 میں 90 سیکنڈ کی موجودہ حد میں کوئی تبدیلی نہیں کی گئی ہے۔

نئے قوانین کے تحت جب بالر بالنگ کے دوران دانستہ طور پر کوئی غیر منصفانہ حرکت کرے گا تو امپائر ڈیڈ بال کی کال کے علاوہ بیٹنگ ٹیم کو 5 پینلٹی رنز بھی دے سکتا ہے۔