پنجاب حکومت جا رہی ہے ن لیگ اور اتحادیوں کی حکومت ہو گی،رانا مشہود کا دعویٰ

 مسلم لیگ ن کے رہنماء رانا مشہود نے دعویٰ کرتے ہوئے کہا ہے کہ پنجاب حکومت جا رہی ہے ن لیگ اور اتحادیوں کی حکومت ہوگی،کیا وجہ ہے کہ پنجاب اسمبلی کا اجلاس چلتا جا رہا ہے؟

پاکستان اس وقت مشکل ترین حالات سے گزر رہا ہے۔ میڈیا رپورٹس کے مطابق رانا مشہود نے پریس کانفرنس کے دوران چیئرمین تحریک انصاف پر تنقید کرتے ہوئے کہا کہ عمران خان کے پاس غلط بیانی کے علاوہ کچھ نہیں،شہبازگل کو قانونی نوٹس بھجوا دیا گیا ہے اور ان کا پیچھا کریں گے۔ 

پی ٹی آئی سربراہ نے امریکی فرمز سے اپنے لیے لابنگ کرائی،عمران خان کی پھیلائی تباہی سے ملک نہیں سنبھل سکتا۔ انکا کہنا تھا کہ عمران خان نے جھوٹے بیانیہ سے قوم کو بدتمیزی سیکھائی۔ 

گیم پلان تیار ہے سب کو اس بات کا علم ہے،سی سی پی اوکی مدت ملازمت میں صرف 4 ماہ رہ گئے ہیں۔عمران خان کی 21 سالہ جدوجہد میں قوم کو کیا ملا؟ چیئرمین تحریک انصاف اپنے جھوٹ کا سامنا کرنا کی ہمت نہیں رکھتے،عمران خان کا جھوٹ بولنے کے علاوہ کوئی کام نہیں ہے۔

ادھر پی ٹی آئی ممکنہ لانگ مارچ کے حوالے سے وفاقی وزیر داخلہ رانا ثناء اللہ نے صوبائی حکومتوں کو وارننگ دے دی ۔وزیر داخلہ رانا ثناء اللہ نے لانگ مارچ کے حوالے سے میڈیا سے گفتگو کرتے ہوئے کہا کہ ریاست کے دارلخلافہ پر چڑھائی کے لیے جو صوبے لانگ مارچ کو سپورٹ کریں گے اس کے خلاف کارروائی کا اختیار آئین وفاقی حکومت کو دیتا ہے، یہ معاملہ وفاقی کابینہ اور وزیر کے ساتھ ڈسکس کرکے اختیار کو استعمال کیا جائے۔ 

راناثناء اللہ نے کہا کہ عمران خان پوری قوم کو بدتمیزی سکھا رہا ہے،نوجوان نسل کو گمراہ کر رہا ہے،ایسا شخص کسی کا لاڈلا نہیں ہو سکتا،لانگ مارچ سے متعلق سوال کا جواب دیتے ہوئے وفاقی وزیر داخلہ نے کہا کہ جو صوبے اس قسم کے مارچ کی سپورٹ کریں گے جس میں اسلام آباد پر چڑھائی کرنے کی کوشش کی جائے گی، تو ان صوبوں کے خلاف وفاقی حکومت اختیار استعمال کرے گی۔