انہوں ںے یہ بات سابق وفاقی وزیر داخلہ بریگیڈئیر (ریٹائرڈ) اعجاز شاہ سے ملاقات کے دوران کہی، ملاقات میں ملک کی سیاسی و معاشی صورتحال پر تبادلہ خیال کیا گیا۔

ق لیگ کے مرکزی رہنما چودھری پرویزالہٰی نے کہا کہ پیٹرولیم مصنوعات کی قیمتوں میں اضافے کا کریڈٹ نواز شریف اور مریم نواز کو جاتا ہے، مہنگائی کا جن بے قابو ہے لیکن حکومت کو انتقامی کارروائیوں سے فرصت نہیں ہے۔

انہوں ںے سخت تنقید کرتے ہوئے کہا کہ امن و امان کی صورتحال تباہ کن ہے، جرائم میں تیزی سے اضافہ ہو چکا ہے، ملک میں اس وقت انتظامی گورننس نہ ہونے کے برابر ہے، ڈویلپمنٹ منصوبوں سے جو روزگار کے مواقع پیدا ہورہے تھے وہ بھی بند ہو گئے ہیں۔

چودھری پرویزالہٰی نے کہا کہ محسن نقوی کی حکومت میں بے روزگاری میں مزید اضافہ ہو رہا ہے، یہ حکومت ملک کو ڈیفالٹ کی طرف لے کر جارہی ہے۔

سابق وزیراعلیٰ پنجاب چودھری پرویزالہٰی نے کہا کہ قوم کو مہنگائی کے عذاب میں پھنسا نے والوں کو عوام مسترد کر چکے ہیں، اس حکومت میں عوام کو مہنگائی کے نئے طوفان کا سامنا کرنا پڑ رہا ہے۔

یہ فیصلہ پبلک ٹرانسپورٹ اونرز فیڈریشن نے کیا ہے۔ اس ضمن میں ترجمان پبلک ٹرانسپورٹ اونرز فیڈریشن نے کہا ہے کہ لاہور سے کراچی کے کرائے میں 600 روپےاضافہ کیا گیا ہے جب کہ لاہور سے پشاور اور صادق آباد کے کرایوں میں 200 روپے کا اضافہ ہو گا۔

ترجمان کے مطابق لاہور سے راولپنڈی، فیصل آباد اور ملتان کے کرایوں میں 100 روپے کا اضافہ کیا گیا ہے جب کہ
لاہور سے گوجرانوالہ کا کرایہ 50 روپے بڑھایا گیا ہے۔ پبلک ٹرانسپورٹ اونرز فیڈریشن کی جانب سے کیے جانے والے فیصلے کے تحت نئے کرایہ ناموں کا اطلاق اے سی اور نان اے دونوں اقسام کی بسوں پر ہو گا۔

ترجمان پبلک ٹرانسپورٹ اونرز فیڈریشن نے اس حوالے سے واضح کیا ہے کہ نئے کرایہ ناموں کا اطلاق آج شب 12 بجے سے کیا جائے گا اور ساتھ ہی خبردار کیا ہے کہ اگر کسی بھی قسم کی انتقامی کارروائی کی گئی تو گاڑیاں کھڑی کردیں گے۔

مؤقر بھارتی جریدے اسپورٹس اسٹار کے مطابق بھارت میں کھیلے جانے والے ایف آئی ایچ ہاکی ورلڈ کپ فائنل میں جرمنی نے بیلجیئم کو پنالٹی شوٹ آؤٹ پر شکست دے کر ٹائٹل اپنے نام کر لیا ہے۔

جرمنی اور بیلجیئم کے درمیان مقررہ وقت میں مقابلہ تین تین گول سے برابر رہا جس کے بعد میچ کو فیصلہ کن بنانے کے لیے پنالٹی شوٹ آؤٹ کا استعمال کیا گیا جس میں جرمنی نے 4-5 سے کامیابی حاصل کرلی۔

واضح رہے کہ سب سے زیادہ چار مرتبہ ہاکی ورلڈ کپ ٹائٹل جیتنے کا اعزاز پاکستان کے پاس ہے، پاکستان نے آخری مرتبہ ہاکی ورلڈ کپ 1994 میں جیتا تھا۔