وزیراعظم کی بطور وزیراعظم تقرری پر سعودی ولی عہد کو مبارکباد

تفصیلات کے مطاق وزیراعظم  شہبازشریف نے سماجی رابطے کی ویب سائٹ ٹوئٹر پر تہنیتی پیغام میں  کہا کہ میں اپنے بھائی ولی عہد شہزادہ محمد بن سلمان بن عبدالعزیز آل سعود کو سعودی عرب کے وزیر اعظم کے طور پر تقرری کے موقع پر مبارکباد پیش کرتا ہوں ۔ 

وزیراعظم نے کہا کہ میں ان کی کامیابی اور برادر ملک سعودی عرب کے لیے خادمِ حرمین شریفین شاہ سلمان بن عبدالعزیز آل سعود کی قیادت میں مزید ترقی اور خوشحالی کے لیے دعا گو ہوں۔

بمناسبة تعيينه رئيساً لمجلس وزراء المملكة العربية السعودية، أبارك لأخي ولي العهد الأمير محمد بن سلمان بن عبدالعزيز آل سعود، وأدعو لسموه بالتوفيق والسداد وللمملكة العربية السعودية الشقيقة بمزيد من التقدم والازدهار في ظل قيادة خادم الحرمين الشريفين الملك سلمان بن عبدالعزيز آل سعود. pic.twitter.com/QJDzC9sVw6

— Shehbaz Sharif (@CMShehbaz) September 28, 2022

واضح رہے کہ خادم حرمین شریفین شاہ سلمان بن عبدالعزیز نے منگل کو شاہی فرمان جاری کرکے ولی عہد شہزادہ محمد بن سلمان کو وزرا کونسل کا سربراہ (وزیراعظم) مقرر کیا تھا۔

 سعودی خبر رساں ادارے کے مطابق شاہ سلمان بن عبدالعزیز نے منگل کو متعدد شاہی فرامین جاری کیے،  ولی عہد شہزادہ محمد بن سلمان کو سعودی کابینہ کا سربراہ مقرر کیا۔ 

کابینہ  میں ردوبدل کے حوالے سے بھی جاری ہونے والے شاہی فرمان کے میں یہ بھی بتایا گیا  کہ نائب وزیر دفاع شہزادہ خالد بن سلمان کو وزیر دفاع مقرر کیا گیا ہے ۔ طلال بن عبداللہ بن ترکی العتیبی معاون وزیر دفاع ہوں گے۔شاہی فرمان میں مختلف شعبہ جات کے لیے دیگر وزرا کی تقرریاں بھی کی گئی ہیں۔