تعلیمی اداروں میں موسم گرما کی چھٹیاں کتنی ہونگی ، حکومت کا اعلان

تفصیلات کے مطابق  وفاقی سرکاری تعلیمی اداروں کے لیے تعلیمی سیشن 2020-21 کا کیلنڈر جاری کر دیا گیا۔نیا تعلیمی سال 2 اگست سے شروع ہوگا اور موسم گرما کی چھٹیاں کم کر کے ایک ماہ کر دی گئیں۔حکومت کی جانب سے جاری کیے جانے والے تعلیمی سیشن 2020-21 کیلنڈر کے مطابق موسم گرما کی چھٹیاں 2 جولائی سے 31 جولائی تک ہوں گی۔

امتحانات کب ہونگے :

نئے تعلیمی سیشن 2020-21 کے مطابق  پانچویں اور آٹھویں کے امتحانات 18 مئی سے 31 مئی تک ہوں گے جبکہ  پہلی سے چوتھی اور چھٹی، ساتویں کے امتحانات یکم جون سے 15جون تک ہوں گے۔

نتائج کا اعلان کب ہوگا :

پانچویں اور آٹھویں کے امتحانات کے نتائج کا اعلان 30 جون کو ہوگا، جبکہ  پہلی سے چوتھی اور ساتویں آٹھویں کے امتحانات کے نتائج کا اعلان یکم جولائی کوکیا جائے گا۔

واضح رہے کہ 26نومبر 2020 کو کورونا وائرس کی دوسری لہر  کے باعث پاکستان کے تمام سرکاری و نجی سکول کو  24 دسمبر تک بند کردیا گیا تھا  جس میں طلباء کو آن لائن پڑھانے کی اجازت دی گئی تھی۔اس کے بعد 25 دسمبر 2020 سے  10جنوری تک  موسم سرما کی تعطیلات دے دی گئی تھی۔حکومت کی جانب سے 18 جنوری سے 9 سے 12 کلاس تک سکول کھولنے کی اجازت دی گئی تھی۔جب کے  پرائمری  سکولز اور یونیورسٹیز بھی 1 فروری سے کھول دی جائیں گی۔