امریکا :  طوفان سے ہلاکتوں کی تعداد 109 تک جاپہنچی

غیرملکی میڈیا کے مطابق سمندری طوفان سے ریاست فلوریڈا کی لی کاؤنٹی سے 55 لاشیں برآمد ہوئی ہیں جبکہ ریاست شمالی کیرولائنا میں بھی 4 اموات سامنے آئی ہیں۔

طوفان کو ایک ہفتہ گزرنے کے باوجود بھی فلوریڈا میں ساڑھے 4 لاکھ افراد بجلی سے محروم ہیں۔

امریکا کے صدرجو  بائیڈن نے اپنے دورۂ فلوریڈا میں انفراسٹرکچر کی بحالی میں ہر ممکن تعاون کی یقین دہانی کرائی ہے ۔ انہوں نے کہا کہ آپ ویسا ہی انفراسٹرکچر اس لیے نہیں بنا سکتے کیونکہ طوفان پھر آنے والا ہے۔

امریکی صدر کا مزید کہنا تھا کہ ایسا انفراسٹرکچر بنایا جائے جو اگلے طوفان کا سامنا کرسکے۔

سمندری طوفان"  ایان " کو امریکا میں ریکارڈ کیے گئے سب سے طاقتور طوفانوں میں سے ایک قرار دیا گیا ہے ۔ 

ایان نے فلوریڈا اور جارجیا اور جنوبی کیرولائنا کی جنوب مشرقی ریاستوں میں کئی ملین لوگوں کو متاثر کیا ہے۔ جیسے جیسے سمندری طوفان کے حالات پھیل رہے ہیں، ماہرین موسمیات نے طوفانوں کی تباہی سے خبردار کیا ہے۔