ایف آئی اے نے سینیٹر سیف اللہ نیازی کو گرفتار کر لیا 

وفاقی تحقیقاتی ادارے (ایف آئی اے)   ذرائع  کے مطابق  تحریک انصاف کے سینیٹر سیف اللہ نیازی کو گرفتار کرلیا گیا  ہے  ۔

ذرائع کے مطابق سینیٹر سیف اللہ کو پارلیمنٹ ہاؤس کے باہر سے گرفتار کیا گیا ہے ۔ سیف اللہ نیازی کو ایف آئی اے سائبر کرائم کی جانب سے گرفتار کیا گیا ہے۔ 

 ایف آئی اے سائبر کرائم اس سے قبل سنیٹر سیف اللہ نیازی کے گھر بھی ریڈ کر چکی ہے ۔ سائبر کرائم کی جانب سے سیف اللہ نیازی کا لیپ ٹاپ اور ایک موبائل فون بھی قبضہ میں لیا گیا تھا۔

دوسری جانب تحریک انصاف کےجنرل سیکرٹری اسد عمر نے ایک  بیان میں کہا ہے کہ سینیٹر سیف اللہ نیازی کو سینیٹ سے  اٹھالیا گیا ہے۔

پی ٹی آئی رہنما فواد چوہدری نے سینیٹر سیف اللہ کی گرفتاری پر ردعمل دیتے ہوئے کہا ہے کہ سینٹ کے احاطے سے سینیٹر کو اٹھا لیا گیا ؟ ملک میں اتنی بڑی فسطائیت کبھی نازل نہیں ہوئی، اس سے زیادہ توہین پارلیمنٹ کی ہو نہیں سکتی، چیئرمین سینٹ کم از کم غیرت کا مظاہرہ کریں اور اس عمل کا نوٹس لیں۔