کراچی سے اسلام آباد جانیوالی پروازمیں فنی خرابی ، طیارے کی ہنگامی لینڈنگ

تفصیلات کے مطابق ذرائع سول ایوی ایشن کے مطابق سیرین ائیرلائن کے کراچی سے اسلام آباد جانے والے طیارے میں فلائٹ 502 میں روانگی کے 40 منٹ کے بعد تکنیکی خرابی پیدا ہوئی، ائیربس 330 میں وفاقی وزیر اسد عمر سمیت   ایوی ایشن ڈویژن اور دیگر سرکاری محکموں کے افسر بھی سوار تھے۔  اچانک تکنیکی خرابی پر پائلٹ نے ایمرجنسی لینڈنگ کی کال دی۔ سول ایوی ایشن ذرائع کا کہنا ہے کہ طیارہ دوبارہ کراچی ائیرپورٹ پر بحفاظت لینڈ کر گیا ہے اور  مسافروں کو متبادل پرواز کے ذریعے اسلام آباد روانہ کیا جائے گا۔