• GNN
Advertisement
کھیل

ٹی ٹوئنٹی ورلڈ کپ : آئرلینڈ نے انگلینڈ کو شکست دے دی

میلبورن : آئی سی سی ٹی ٹوئنٹی ورلڈ کپ کے سپر 12 مرحلے میں آئرلینڈ نے انگلینڈ کو 5 رنز سے شکست دے دی ۔ 

GNN Web Desk
شائع شدہ 4 years ago پر Oct 26th 2022, 6:07 pm
ویب ڈیسک کے ذریعے
ٹی ٹوئنٹی ورلڈ کپ : آئرلینڈ نے انگلینڈ کو شکست دے دی

ٹی ٹوئنٹی ورلڈ کپ میں ایک اور بڑا اپ سیٹ ، آئرلینڈ نے انگلینڈ کی ٹیم کو  شکست دے دی ، انگلینڈ کو 33 گیندوں پر53  رنز درکار تھے لیکن بارش نے انگلینڈ کی امیدوں پر پانی پھیر دیا۔

میلبرن میں کھیلے گئے میچ میں آئرلینڈ نے انگلینڈ کو جیت کے لیے 158 رنز کا ہدف دیا تھا ۔ انگلینڈ نے ہدف کا تعاقب کرتے ہوئے 14 اعشاریہ 3 اوورز میں 5 وکٹوں پر 105 رنز بنا لیے تھے۔

بارش کی وجہ سے میچ کا فیصلہ ڈک ورتھ لوئس میتھڈ کے تحت ہوا جس میں انگلینڈ کو 5 رنز سے شکست ہوئی۔ 

انگلینڈ کے کپتان جوز بٹلر نے ٹاس جیت کر آئرلینڈ کو بیٹنگ کی دعوت دی تھی ۔ آئرلینڈ کی ٹیم 19.2 اوورز میں 157 رنز بنا کر آؤٹ ہو گئی تھی، آئرش کپتان اینڈی بالبرنی 62 رنز بنا کر نمایاں رہے۔

آئرلینڈ کے لورکان ٹکر 34، کرٹس کیمفر 17، پال اسٹرلنگ 14 اور گیرتھ ڈیلانی نے 12 رنز بنائے۔

انگلینڈ کی جانب سے مارک ووڈ اور لیئم لیونگسٹن نے تین تین وکٹیں حاصل کیں۔

واضح رہے کہ بارش کی وجہ میچ کو کچھ دیر کے لیے روکا گیا تھا اور بارش کی وجہ سے میچ تاخیر سے بھی شروع ہوا تھا۔

انگلینڈ نے اپنے پہلے میچ میں افغانستان کو شکست دی تھی جبکہ سری لنکا نے آئرلینڈ کو ہرایا تھا۔

Advertisement
آپ کو یہ پسند آسکتا ہے
رجحانات
Advertisement