ٹی ٹوئنٹی ورلڈ کپ : جنوبی افریقہ  کی  بنگلادیش کیخلاف بیٹنگ جاری 

ٹی ٹوئنٹی ورلڈ کپ کے گروپ ٹو کے میچ میں جنوبی افریقا نے بنگلادیش کیخلاف ٹاس جیت کر پہلے بیٹنگ کا فیصلہ کیا ۔  جنوبی افریقہ  نے اب تک 60 رنز ایک کھلاڑی کے نقصان پر بنائے ہیں ۔ 

دونوں ٹیموں کے درمیان میچ سڈنی میں کھیلا جارہا ہے ،  شکیب الحسن بنگلادیش جبکہ ٹیمبا باوما جنوبی افریقا کی قیادت کررہے ہیں۔

میگا ایونٹ کے دلچسپ مقابلوں کا سلسلہ آسٹریلیا میں جاری ہےجس میں شائقین کرکٹ کو کانٹے دار مقابلے دیکھنے کو مل رہے ہیں۔ 

ٹی ٹوئنٹی ورلڈ کپ کے آج دوسرے میچ میں بھارت اور نیدرلینڈز کے درمیان مقابلہ ہوگا جبکہ پاکستانی وقت کے مطابق دوپہر 4 بجے پاکستان اور زمبابوے کے درمیان میچ کھیلا جائے گا۔

میگا ایونٹ کا پہلا سیمی فائنل میچ 9 نومبرکو سڈنی اور دوسرا سیمی فائنل میچ 10 نومبر کو ایڈیلیڈ میں کھیلا جائے گا جبکہ فائنل میچ 13نومبر کو ایم سی جی میلبورن میں کھیلا جائے گا۔