سندھ میں بین الصوبائی پبلک ٹرانسپورٹ پر ہفتہ میں دو دن پابندی عائد

تفصیلات کے مطابق   سندھ میں بین الصوبائی پبلک ٹرانسپورٹ کی نقل وحمل پر ہفتہ میں دو دن پابندی عائد کردی گئی ہے۔ حکومت سندھ نے نوٹی فیکیشن جاری کردیا،  پابندی کا اطلاق ہفتہ وار بروز ہفتہ اور اتوار ہوگا ۔

سندھ حکومت کی جانب سے جاری کردہ نوٹیفکیشن کے مطابق  پابندی کا اطلاق 9اور 10اپریل  سے 25اور 26اپریل نصف شب تک رہے گا ،  پابندی کا اطلاق بین الصوبائی  مال بردار گاڑیوں پر نہیں ہوگا ،طبی اور دیگر ہنگامی خدمات کی نقل وحمل پر بھی کوئی پابندی عائد نہیں کی گئی۔

گزشتہ روز نیشنل کمانڈ اینڈ آپریشن سینٹر (این سی او سی ) نے بین الصوبائی ٹرانسپورٹ دو روز بند رکھنے کا فیصلہ کیا تھا۔ بین الصوبائی ٹرانسپورٹ پرہفتہ اوراتوار پابندی لگادی گئی تھی۔ فیصلے کا اطلاق 10 اپریل سے 25 اپریک تک ہوگا۔

 این سی او سی کا کہنا تھا کہ  بین الصوبائی ٹرانسپورٹ پیر سے جمعہ تک چلتی رہے گی،  گُڈز،  فریٹ،  میڈیکل اور دیگر ایمرجنسی سروسز کو استثنی حاصل ہوگا۔

این سی او سی کا کہنا تھا کہ ریلوے سروسز کو 70 فیصد سواریوں کے ساتھ ہفتے میں ساتوں دن آپریشنز کی اجازت ہوگی۔پابندی کے حوالے سے 20 اپریل کو اجلاس میں دوبارہ جائزہ لیا جائے گا۔