روسی وزیر خارجہ2روزہ سرکاری دورے پر آج پاکستان پہنچیں گے

تفصیلات کے مطابق وزارت خارجہ کے ایک بیان میں کہاگیاہے کہ روسی وزیرخارجہ اپنے پاکستانی ہم منصب شاہ محمودقریشی کے ساتھ وفود کی سطح پرمذاکرات کے علاوہ وزیراعظم عمران خان اوردوسری شخصیات سے بھی ملاقات کریں گے۔ دونوں وزرائے خارجہ کے درمیان ملاقات میں پاک روس تعلقات کی مجموعی صورتحال کا جائزہ لیا جائیگا اور مختلف شعبوں میں دوطرفہ تعاون کو مزید فروغ اور وسعت دینے کیلئے طریقہ کار پر تبادلہ خیال کیا جائیگا۔ دونوں وزرائے خارجہ علاقائی اور عالمی امور پر بھی تبادلہ خیال کریں گے۔

روس کے وزیرخارجہ سرگئی لاروف کایہ دورہ پاکستان اورروس کے درمیان بڑھتے ہوئے روابط اورباقاعدگی سے اعلیٰ سطح کے تبادلوں کاحصہ ہے۔