فاسٹ باؤلر حسن علی کے ہاں بیٹی کی پیدائش

تفصیلات کے مطابق قومی ٹیم کے فاسٹ باؤلر حسن علی نے سماجی رابطے کی ویب سائٹ ٹوئٹر پر جاری پیغام میں بیٹی کی آمد کی اطلاع دیتے ہوئے   کہا  کہ اللّٰہ  تعالی ٰ نے انہیں بیٹی کی رحمت سے نوازا ہے، ننھی شہزادی کو ہماری فیملی میں خوش آمدید، اللہ اس ننھی پری کے ہر خواب کو  پورا کرے۔ حسن علی نے لوگوں سے  دعاؤں میں یاد رکھنے کی بھی درخواست کی  ہے ۔

Allahumduillah! Allah has blessed us with the baby girl. Welcome to our family my princess. I wish this little angel ? have wonderful dreams and May the almighty always be with her to fulfill her dreams on the walk of her life.Ameen please remember in your dua

— Hassan Ali ?? (@RealHa55an) April 6, 2021

خیال رہے کہ حسن علی ان دنوں پاکستان اور جنوبی افریقہ کے درمیان ہونے والی  تین ایک روزہ اور چارٹی ٹوئنٹی میچز کی سیریز کیلئے جنوبی افریقہ میں  موجود ہیں۔

واضح رہے کہ 20 اگست 2019 کو حسن علی بھارتی دوشیزہ سامعہ آرزو کے ساتھ رشتہ ازدواج میں منسلک ہوئے تھے۔ نومبر میں جوڑے نے نئے مہمان کی متوقع آمد کی اطلاع انسٹاگرام پوسٹس کے ذریعے دی تھی۔حسن علی کی اہلیہ سامعہ آرزو کا تعلق بھارتی ریاست ہریانہ سے ہے، انہوں نے مانو رچنا یونیورسٹی سے ایرو ناٹکس کی ڈگری حاصل کر رکھی ہے۔سامعہ آرزو  متحدہ عرب امارات (یو اے ای) کی ایمریٹس ایئرلائن میں بطور فلائٹ انجینئر خدمات سر انجام دیتی ہیں۔