او لیول امتحانات شیڈول کے مطابق ، کورونا سے متاثرہ اضلاع میں اسکولز28اپریل تک بند رہیں گے

تفصیلات کے مطابق تعلیمی اداروں کو کھلا رکھنے یا بندش سے متعلق فیصلے کے لیے این سی او سی کا خصوصی اجلاس  ہوا ، نیشنل کمانڈ اینڈ آپریشن سینٹر کے اس اہم اجلاس میں وفاقی وزیر تعلیم شفقت محمود، چاروں صوبوں کے صوبائی وزرائے صحت اور تعلیم بھی شریک ہوئے  ۔وفاقی وزیر تعلیم شفقت محمود نے میڈیا بریفنگ میں بتایا کہ    ملک بھر میںاے اور او لیول کے امتحانا ت کی تاریخ میں کوئی تبدیلی نہیں ہوگی،  اے اور او لیول امتحانات شیڈول کے مطابق  ہوں گے ،  نویں اور دسویں کے امتحانات مئی کے تیسرے ہفتے میں لیے جائیں گے ،  جامعات سے درخواست کی ہے کہ داخلے کا شیڈول آگے کردیں، امتحانات تاخیر سے ہوں گے تو رزلٹ تاخیر سے آئے گا اس لیے جامعات داخلے آگے کردیں۔ امتحانات سخت ایس او پیز کے ساتھ منعقد کیے جائیں گے۔ ان کاکہنا تھا کہ   نویں دسویں کی کلاس ہفتے میں ایک روزرکھنے  جبکہ گیارہویں اوربارہویں جماعت کی کلاس بھی ہفتے میں ایک روز کرنے کا فیصلہ کیا گیا ہے ۔

وفاقی وزیر تعلیم نے کہا کہ  جو اضلاع  کورونا سے زیادہ  متاثر ہیں وہاں پہلی سے آٹھویں تک کلاسز 28 اپریل تک بند کر دی گئی ہیں، پنجاب کے 13 اضلاع  ایسے ہیں جو کورونا سے متاثر ہیں اس لیے وہاں پہلی سے آٹھویں تک کی کلاسز 28 اپریل تک نہیں ہونگی۔ 28 اپریل کو دوبارہ اس معاملے کا جائزہ لیں گے کہ اسکولوں کو عید تک بند رکھا جائے یا عید سے پہلے اسکولز کھولے جائیں۔وفاقی وزیر نے کہا کہ بھارت، سری لنکا، نیپال میں بھی اے ،او لیول کے امتحانات ہو رہے ہیں، دنیا کے 80 فیصد ممالک میں امتحانات ہورہے ہیں۔ 

خیال  رہے کہ پنجاب اور خیبر پختونخوا کے  مخصوص اضلاع میں 11 اپریل تک تعلیمی ادارے بند ہیں جبکہ سندھ حکومت نے ملک بھر میں 15 روز کے لیے آٹھویں جماعت تک  کے طلبا کیلئے اسکول بند رہیں گے۔

یاد رہے کہ 10مارچ کو  کورونا وائرس کی تیسری لہر کےدوران حکومت نے تعلیمی ادارے بند کرنے کا فیصلہ کیا تھا۔