صبا قمر نے سالگرہ کے موقع پر نئی میوزک ویڈیو ریلیز کردی

پاکستان کی معروف اداکارہ صبا قمر آج اپنی 37 ویں سالگرہ منا رہی ہیں ، اس موقع پراداکارہ  نے اپنی میوزک ویڈیو" چنگاریاں "  ریلیز کی ہے ۔ چنگاریاں ان کے یوٹیوب چینل کی قسط نمبر 6 ہے،جس میں وہ خود پہلے ہنسی مسکراتی اور پھر روتی بھی دکھائی دیتی ہیں۔  فوٹو اینڈویڈیو شئیرنگ ایپ انسٹاگرام پر صبا قمر نے25سیکنڈ کی اس  انسٹاگرام  پوسٹ کو  شئیر کرتے ہوئے لکھا  کہ اپنی سالگرہ اور اپنے یوٹیوب چینل کی پہلی سالگرہ پر میں نے یہ قسط ریلیز کی کیونکہ یہ قسط میرے  احساسات کی عکاسی کررہی ہےاور  میرے دل کے بہت قریب ہے،   اس کی تیاری  میں، میں نے دل و جان سے محنت کی ہے کیونکہ اس قسط کی صورت میرا ایک خواب پورا ہورہا ہے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by ???? ????? (@sabaqamarzaman)

صباقمر نے  مزید لکھا  کہ  یہ ویڈیو ایسی کہانی پر مبنی ہے جو آپ سب کی کہانی ہے، یہ آپ کو ایسا ہی احساس دلائے گی کہ زندگی  چلتی رہتی  ہےرکتی نہیں ۔  پانچ منٹ کی اس ویڈیومیں اداکارہ کے ساتھ اداکار  عماد عرفانی اور  گلوکار مصطفی زاہد بھی ہیں ، صبا قمر نے اپنے اس پروجیکٹ کو مکمل کرنے پر  ساتھ دینے والوں کا بے حد شکریہ بھی ادا کیا ۔

یاد رہے کہ گزشتہ روز  صبا قمر کی سالگرہ کے موقع پر ان کے دوستوں نے ان کے لیے سرپرائز برتھ ڈے پارٹی کا اہتمام کیا  تھا ۔