پنجاب حکومت نے ہفتے میں دو دن بین الصوبائی ٹرانسپورٹ پر پابندی عائد کردی

جی این این کے مطابق پنجاب میں ہفتہ اور اتوار کے دن بین الصوبائی ٹرانسپورٹ پر پابندی عائد کرنے کا  نوٹی فکیشن جاری کردیا گیا ،  کورونا وائرس کے پیش نظر مزید پابندیاں لگاتے ہوئے بین الصوبائی پبلک ٹرانسپورٹ ہفتے میں 2 دن کےلیے بند کرنےکا فیصلہ کیا گیا  ہے۔ نوٹی فکیشن کے مطابق ہفتہ اور اتوار کے دوران ایک صوبے سے  دوسرے صوبے جانے والی گڈز ٹرانسپورٹ پر پابندی نہیں ہوگی،  جبکہ صرف میڈیکل اور ا یمرجنسی ٹرانسپورٹ  کو اجازت ہو گی۔  پابندی کا اطلاق 10 اپریل سے ہو گا، متعلقہ سٹاف کو تمام ضروری اقدامات کرنے کی ہدایت کردی گئی ۔   سیکرٹری پنجاب پراونشل ٹرانسپورٹ اتھارٹی نے نوٹیفکیشن جاری کیا ، جبکہ اسے   تمام ڈسٹرکٹ اور ریجنل اتھارٹیز کو  بھی ارسال کر دیا گیاہے ۔

واضح رہے کہ ملک میں کورونا وائرس کی تیسری لہر کے پیش نظر نیشنل کمانڈ اینڈ آپریشن سینٹر (این سی او سی) نے10 اپریل سے  بین الصوبائی ٹرانسپورٹ ہفتے میں دو روز بند رکھنے کا فیصلہ کیا ہے  ۔ این سی او سی کے مطابق بین الصوبائی ٹرانسپورٹ پر ہفتے میں 2 دن بندش کا اطلاق دس سے پچیس اپریل تک ہوگا، گڈز، فریٹ، میڈیکل اور دیگر ایمرجنسی سروسز کو استثنٰی دیا گیا ہے۔