نیٹ فلکس کا باضابطہ طور پر ایڈورٹائزمنٹ سپورٹ سروس کا آغاز 

غیر ملکی میڈیا رپورٹس کے مطابق نیٹ فلکس نے اشتہارات کے ساتھ سبسکرپشن کا آغاز گزشتہ روز سے کردیا ہے جس کی بدولت صارفین اب کم قیمت میں اسٹریمنگ سروس حاصل کر سکیں گے۔

صارفین اب صرف 6.99 ڈالرز میں اسٹریمنگ سروس کے سستے پیکجز حاصل کرسکتے ہیں لیکن ان سستے پیکجز میں لائسنسنگ کی پابندیوں کی وجہ سے کچھ فلمیں اور ٹی وی سیریز دستیاب نہیں ہوں گی۔

واضح رہے کہ  ابتدائی طور پر  نیٹ فلیکس کا  اشتہارات پر مبنی یہ پیکج صرف 12 ممالک میں دستیاب ہے جن  میں آسٹریلیا، برازیل، کینیڈا، فرانس، جرمنی، اٹلی، جاپان، کوریا، اسپین، برطانیہ اور امریکا شامل ہیں۔

ان  تمام  کم قیمت پیکجز کو متعارف کروانے کا اہم مقصد صارفین کی تعداد میں اضافہ کرنا ہے ۔  نیٹ فلکس کے صارفین کی تعداد میں  لگاتار  کچھ عرصے سے کمی واقع  ہورہی  ہے ،  اسٹریمنگ سروس کو رواں سال کی پہلی سہ ماہی میں تقریباً دو لاکھ سبسکرائبرز اور دوسری سہ ماہی میں تقریباً دس لاکھ صارفین کی کمی کا سامنا کرنا پڑا ہے۔

اب ان سستے پیکچز اور اشتہارات کی فروخت سے نیٹ فلکس کی آمدنی کے نئے ذرائع پیدا ہونے کا امکان ہے ۔ 

یاد  رہے کہ کمپنی کے حکام کے مطابق تمام پریمیم درجے کا مواد اس سستے پلان پر دستیاب نہیں ہوگا۔