جہانگیر ترین پیپلز پارٹی میں شمولیت اختیار کر لیں گے : شہلا رضا

تفصیلات کے مطابق اپنی ٹوئٹ میں شہلا رضا کا کہنا تھاکہ جہانگیر ترین نے مخدوم احمد محمود سے ملاقات کی ہے اور اگلے ہفتہ کراچی میں سابق صدر آصف زرداری سے ملاقات کریں گے۔

 انہوں نے مزید کہا کہ خیال ہے کہ ’جہانگیر ترین اس ملاقات میں پی ٹی آئی چھوڑنے اور ساتھیوں سمیت پی پی پی میں شمولیت اختیار کر لیں گے، اگر واقعی ایسا ہوگیا تو نہ بزدار رہے گا نہ نیازی ہوگا‘۔

جہانگیر ترین کی مخدوم احمد محمود سے ملاقات،اگلے ہفتہ کراچی میں سابق صدر آصف زرداری سےملاقات کریں گے،خیال ہے کہ جہانگیر ترین اس ملاقات میں پی ٹی آئی چھوڑنے اور ساتھیوں سمیت پی پی پی میں شمولیت اختیار کر لیں گے،اگر واقعی ایسا ہوگیا تو نہ بوزدار رہے گا نہ نیازی ہوگا

— Syeda Shehla Raza (@SyedaShehlaRaza) April 6, 2021

دوسری جانب جہانگیر ترین نے ردعمل دیتے ہوئے کہا کہ  میرے خلاف میڈیا ، سوشل میڈیا پر مسلسل پراپگینڈہ کیا جا رہا ہے، پیپلز پارٹی کی قیادت سے ملاقات و شمولیت کی خبروں میں کوئی صداقت نہیں ۔میرے خلاف خبریں چلوانے والوں کو مایوسی ہو گی ۔

 یا د رہے کہ وفاقی تحقیقاتی ادارے نے پاکستان تحریک انصاف کے رہنما جہانگیر ترین اور ان کے بیٹے علی ترین کو دوبارہ طلب کرلیا۔ایف آئی اے نے جہانگیر ترین کو2 اور علی ترین کو ایک کیس کی تفتیش کیلئے طلب کیا جبکہ دونوں باپ بیٹے کو 9 اپریل جمعہ کو طلب کیا گیا ہے۔