معروف اسٹیج اداکارطارق ٹیڈی انتقال کر گئے 

جی این این کے مطابق اسٹیج کے معروف اداکار اور کامیڈین طارق ٹیڈی کی طبیعت شدید ناساز ہونے پر ڈاکٹر نے انہیں وینٹی لیٹر پر منتقل کردیا تھا۔

طارق ٹیڈی کو سانس اور جگر کا عارضہ لاحق تھا  اور وہ گزشتہ بیس روز سے لاہور کے اسپتال میں زیر علاج تھے ۔ 

چند روز قبل ہی وزیرِ اعلیٰ پنجاب چوہدری پرویز الہٰی نے اداکار طارق ٹیڈی کا مفت علاج کرانے کا اعلان کیا تھا۔ 

وزیر اعلیٰ پنجاب چودھری پرویز الٰہی نے  معروف کامیڈین طارق ٹیڈی کے انتقال پر اظہار تعزیت کرتے ہوئے کہا کہ طارق ٹیڈی اپنی طرز کے منفرد اداکار تھے۔ 

وفاقی وزیر اطلاعات و نشریات مریم اورنگزیب نے ان کی وفات پر تعزیت کا اظہار کرتے ہوئے کہا ہے کہ انہوں نے سٹیج ڈراموں اور پنجابی فلموں میں شاندار کردار ادا کیے۔ انہوں نے کہا کہ طارق ٹیڈی نے مزاح اور فن سے عوام کے چہروں پر مسکراہٹیں بکھیریں۔