کراچی : کراچی کے علاقے کورنگی چمڑ اچورنگی پر مبینہ طور پر فائرنگ ہوئی ملزمان کی فائرنگ سے باپ اور 2 سالہ بچی جاں بحق ہوگئےہیں ۔

پولیس روایتی طریقے سے سستی کا شکا ر ہے ، عینی شاہدین کا کہنا ہے کہ پولیس کی غفلت ہی باپ بیٹی کی موت کا سبب بنی ہے ،چوروں کی بندوقیں 15 منٹ کراچی پولیس کو للکارتی رہیں لیکن پولیس ہمیشہ کی طرح غفلت کا شکار رہی جس کے باعث باپ بیٹی چل بسے ، پولیس نے موقع پر پہنچ کر تحقیقات شروع کردیں ۔

کراچی: کورنگی چمڑاچورنگی پر فائرنگ،باپ اور 2 سالہ بچی جاں بحق#GNN #NewsUpdates #BreakingNews #GNN_Updates pic.twitter.com/QBFAIWpAfV

— GNN (@gnnhdofficial) September 24, 2023

تفصیلات کے مطابق واقعہ ڈکیتی کے دوران پش آیا ، ملزمان موٹر سائیکل پر تھے، ملزمان  فائرنگ کرکے جائے وقوعہ سے فرار ہو گئے ۔

یاد رہے کہ کراچی میں آئے دن ڈکیتی و چوری کی وارداتوں میں اضافہ پولیس کی کارکردگی پر سوالیہ نشان ہے ۔

لندن: نگراں وزیر اعظم انوار الحق کاکڑ نے کہا کہ پی ٹی آئی کے چیئرمین عمران خان اس وقت کرپشن کے ایک مقدمے میں جیل میں ہیں .

نگران وزیراعظم نے کہا کہ پی ٹی آئی کے وہ ہزاروں ارکان جو غیر قانونی سرگرمیوں میں ملوث نہیں تھے سیاسی عمل میں اہم کردار ادا کریں گے اور آئندہ انتخابات میں بڑھ چڑھ کر حصہ لیں گے۔

الیکشن کمیشن آف پاکستان کی جانب سے جاری بیان جس میں کہا گیا کہ  ملک میں انتخابات اگلے سال جنوری میں ہوں گے ۔ جس کے بعد پاکستان کی اہم سیاسی جماعتوں نے آئندہ انتخابات کی تیاریاں شروع کر دیں۔

انوارلحق کاکڑ نے کہا کہ ہم ذاتی عناد کی وجہ سے کسی کا پیچھا نہیں کر رہے لیکن ہم قانون کی بالادستی کو یقینی بنائیں گے۔ عمران خان ہو یا کوئی اور سیاستدان جو اپنے سیاسی طرز عمل سے ملکی قوانین کی خلاف ورزی کرتا ہے  ہمیں اس کے خلاف  قانون کی بحالی کو یقینی بنانا چاہیے۔ 

پی ٹی آئی نے انوارلحق کاکڑ کے بیان پر رد عمل دیتے ہوئے کہا کہ  وہ پاکستان کی سب سے بڑی سیاسی جماعت ہے اور عمران خان ملک کے مقبول ترین لیڈر ہیں۔ انہوں نےنگران وزیراعظم  سے فوری وضاحت کا مطالبہ کردیا اور کہا کہ نگران وزیر اعظم اپنے آپ کو سیاسی سرگرمیوں سے علیحدہ کریں ۔

ایف آئی اے کی کرنسی سمگلرز اور حوالہ ہنڈی کرنے والوں کے خلاف کارروائیاں،18 کروڑ سے زائد کی ملکی و غیر ملکی کرنسی برآمد کر لی گئی

ایک  ہفتے کے دوران ملک بھر میں کرنسی کی غیر قانونی ایکسچینج میں ملوث عناصر کے خلاف 38 چھاپہ مار کاروائیاں کی گئیں،چھاپہ مار کارروائیوں کے نتیجے میں 63 ملزمان کو گرفتار کر کے 39 مقدمات درج کئے گئے۔

گزشتہ ہفتے کے دوران ہنڈی حوالہ میں ملوث ملزمان کے خلاف 8 انکوائریوں کی تفتیش بھی مکمل کر لی گئی،گرفتار ملزمان سے مجموعی طور پر 18 کروڑ روپے سے زائد مالیت کی ملکی و غیر ملکی کرنسی برآمد کر لی گئی،برآمد ہونے والی کرنسی میں 21831 امریکی ڈالرز جبکہ 5 کروڑ 39 لاکھ روپےسے زائد مالیت کی دیگر غیر ملکی کرنسی شامل ہے۔

برآمد کی گئی کرنسی میں 12 کروڑ روپے سے زائد مالیت کی پاکستانی کرنسی بھی شامل ہے،گرفتار ملزمان مختلف کاروبار کی آڑ میں کرنسی کی غیر قانونی ایکسچینج میں ملوث تھے،ایف آئی اے نے ہنڈی حوالہ اور کرنسی کی غیر قانونی ایکسچینج میں ملوث ملزمان کے خلاف انٹیلیجنس بیسڈ کاروائیوں کا آغاز کر دیا گیا۔

بیرون ملک مقیم ہنڈی حوالہ اور غیر قانونی کرنسی ایکسچینج  ڈیلروں کے خلاف بھی گھیرا تنگ کیا جا چکا ہے،ملزمان کی گرفتاری کے لئے قانون نافذ کرنے والے اداروں کی بھی معاونت حاصل کی جا رہی ہے۔