ملک پر مسلط کرپٹ ٹولے سے نجات کیلئے جدوجہد فیصلہ کن موڑمیں داخل ہو رہی ہے : عمران خان

تفصیلات کے مطابق چیئرمین پی ٹی آئی عمران خان سے سینئر صوبائی وزیر اسلم اقبال کی ملاقات ہوئی ، اسلم اقبال نےعمران خان کولاہورودیگراضلاع سے روانہ قافلوں پربریفننگ دی۔

لاہورسے راولپنڈی تک سیکیورٹی انتظامات سے متعلق بھی عمران خان کو آگاہ کیا گیا۔

اس موقع پر عمران خان نے کہا کہ پوری قوم حقیقی آزادی مارچ میں شرکت کر رہی ہے، صاف وشفاف انتخابات ہی واحد راستہ ہے، جس سے ملک اوپر جائے گا۔

پی ٹی آئی چیئرمین کا کہنا تھا کہ قوم کو ملک کی حقیقی آزادی کے لیے آج باہر نکلنا ہے، ملک پرمسلط کرپٹ ٹولےسےنجات کیلئے جدوجہد فیصلہ کن موڑمیں داخل ہو رہی ہے۔

اس سے قبل سابق وزیراعظم نے کہا تھا کہ میری زندگی کو خطرات ہیں، زخمی ہونےکےباوجودقوم کے لیے راولپنڈی جارہا ہوں، میری قوم میرے لیے پنڈی آئے گی۔