لاہور ہائیکورٹ کا 80 روپے فی کلو چینی فراہم کرنے کا حکم

چینی کی قیمتوں میں اضافہ کیخلاف درخواستوں پر سماعت ہوئی ، لاہور ہائیکورٹ نے 80 روپے فی کلو چینی فراہم کرنے کا حکم  دے دیا ،  ایک لاکھ 55 ہزار ٹن رمضان میں چینی فراہم کی جائے ، 40 شوگر ملوں سے پیداوار کے مطابق لی جائے گی اور ان نرخوں کو  حتمی فیصلے سے مشروط کردیا۔

سرکاری وکیل نے کہا کہ  پچیس لاکھ ٹن چینی کا سٹاک شوگر ملز کے پاس موجود ہے۔عدالت نے کہا کہ  رمضان میں چینی لوگوں کو ملنی ہے آپ دیکھ لیں، آپ ثواب کما لیں، چینی کی قیمت کے تعین کا طریقہ کار رمضان المبارک کے بعد طے کیا جائے گا،  ایڈووکیٹ جنرل پنجاب  رولز بنانے کے کام کو یقینی بنائیں،آج عدالت جو حکم جاری کرے گی وہ چینی کی ایک مخصوص مقدار کیلئے ہے۔

عدالت نے حکم جاری کرتے ہوئے کہا کہ  ایک لاکھ 55 ہزار ٹن چینی پنجاب کی شوگر ملز سے حصول کو یقینی بنایا جائے، حکومت تمام شوگر ملز سے پیداوار کے تناسب سے چینی لی جائے، چینی کی قیمتوں کے بارے تمام درخواستوں کو یکجا کرکے آئندہ سماعت پر پیش کیا جائے۔