کورونا ویکسین آسٹرازینیکا اور بلڈکلاٹ بننے کا آپس میں تعلق نکل آیا

غیر ملکی خبر رساں ادارے کے مطابق  کورونا ویکسین آسٹرازینکا اور بلڈکلاٹ بننے کا آپس میں تعلق نکل آیا ہے۔ یورپین میڈیسن ایجنسی کا کہنا ہے کہ آسٹرازینیکا کورونا ویکسین کے نقصان سے کہیں زیادہ فائدے ہیں۔

یورپین میڈیسن ایجنسی  نے 18 سال یا اس سے زیادہ عمر کے لوگوں میں ویکسین کے استعمال پر کوئی نئی پابندی نہیں عائد کی۔ یورپین میڈیسن ایجنسی  کا مزید کہنا تھا کہ  زیادہ تر کیسز ویکسین  لگانے کے دو ہفتوں کے اندر اندر 60 سال سے کم عمر کی خواتین میں ہوئے ہیں۔

یورپین میڈیسن ایجنسی  کا کہنا ہے کہ ماہرین نے کئی درجن کیسز کا جائزہ لیا جو بنیادی طور پر یورپ اور برطانیہ سے آئے ہیں ، جہاں تقریبا 25 ملین افراد کو آسٹرا زینیکا ویکسین لگ چکی ہے۔

یورپین میڈیسن ایجنسی کا کہنا ہے کہ بلڈکلاٹ اور بلڈ پریشر کی کمی  کے پیچھے ممکنہ طور پر مدافعتی نظام ہے، ہیپرین لینے والے مریضوں کی بھی صورتحال کبھی کبھار ایسی ہی ہوتی ہے۔

خیال رہے کہ   60سال سے کم عمر والے متعدد افراد میں ویکسین لگوانے کے بعد بلڈکلاٹ بننے  کے کیس سامنے آئے تھے جس کے بعد   متعدد ممالک میں اس ویکسین کا استعمال روک دیاگیاتھا۔