پہلا ون ڈے ، بنگلہ دیش نے بھارت کو شکست دے دی

تفصیلات کے مطابق بنگلہ دیش نے ٹاس جیت کر فیلڈنگ کا فیصلہ کیا ۔  بھارت نے پہلے ایک روزہ میچ میں پہلے کھیلتے ہوئے 186 رنز بنائے ،  کے ایل راہول سب سے زیادہ 73 رنز بنا سکے، روہت شرما نے 27 رنز بنائے ،  شکیب الحسن نے 36 رنز دیکر پانچ کھلاڑی آؤٹ کیے جبکہ عبادت حسین نے 4 کھلاڑیوں کو پویلین کی راہ دکھائی ۔

جواب میں بنگلہ دیش نے 187 رنز کا ہدف  46 اورز میں 9 وکٹوں پر پورا کرلیا ، بنگلہ دیش کی طرف سے لٹن داس 41 رنز کے ساتھ ٹاپ سکورر رہے ۔  بھارت کی طرف سے محمد سراج نے 32 رنز دیکر تین کھلاڑیوں کو آؤٹ کیا ۔ 

بنگلہ دیش کو تین ایک روزہ میچز کی سیریز میں ایک صفر کی برتری حاصل ہوگئی ہے ۔