کورونا ویکسین کی پہلی کھیپ لانے کیلئے خصوصی طیارہ چین روانہ

نیشنل کمانڈ اینڈ آپریشن سنٹر کے مطابق اسلام آباد میں ویکسین کو ذخیرہ کرنے خصوصاً سندھ اور بلوچستان سمیت وفاقی اکائیوں کو ویکسین کی منتقلی کیلئے تمام ضروری اقدامات کر لئے گئے ہیں۔ نیشنل کمانڈ اینڈ آپریشن سنٹر میں صوبائی اور ضلعی سطح پر ویکسین کے انتظامی اور بالغ افراد کو ویکسین دینے کے مراکز کے تعاون سے ویکسینNERVEسنٹر قائم کیا گیا ہے۔ پہلے مرحلے میں ویکسین فرنٹ لائن ورکرز کو لگانے کا پلان ہے۔

گزشتہ روز سربراہ این سی او سی اسد عمر نے بتایا تھا کہ   کوویکس کی جانب سے 2021 کے پہلے نصف تک آسٹرا زینیکا کی ایک کروڑ 70 لاکھ خوراکوں کی فراہمی کے لیے ایک خط موصول ہوا ہے۔ فروری میں فراہمی کے ساتھ کل ایک کروڑ 70 لاکھ خوراکوں میں سے 60 لاکھ خوراکیں مارچ تک وصول ہو جائیں گی۔انہوں نے مزید کہا کہ ’ہم نے ویکسین کی دستیابی کو یقینی بنانے کے لئے تقریبا آٹھ ماہ قبل کوویکس  کے ساتھ معاہدہ کیا تھا۔

Good news on covid vaccine front. Recieved letter from Covax of indicative supply of up to 17 million doses of AstraZeneca in 1st half 2021. About 6 million will be recieved by March with delivery starting in Feb. We signed with Covax nearly 8 months back to ensure availability

— Asad Umar (@Asad_Umar) January 30, 2021

ڈر گ ریگولیٹری اتھارٹی آف پاکستان  نے ملک میں بڑے پیمانے پر استعمال کے لئے تین کورونا وائرس ویکسینز کی منظوری دے دی ہے۔ ویکسینز میں روسی اسپتنک 5 ، آکسفورڈ – آسٹرا زینیکا اور چین کا سائنوفرم شامل ہیں۔