موسم سرما میں سیلاب متاثرین کو چھت فراہم کرنا بڑا چیلنج ہے، مخیرحضرات ساتھ دیں : وزیراعظم 

تفصیلات کے مطابق سماجی رابطے کی ویب سائٹ ٹوئٹر پر پیغام میں وزیراعظم شہبازشریف  نے کہا کہ وقت گزرنے کے ساتھ ساتھ سیلاب متاثرین کی مشکلات میں مزید اضافہ ہو تا جا رہاہے اور رواں موسم سرما میں بے گھر افراد کو چھت فراہم کرنا ایک بہت بڑا چیلنج ہے۔

وزیراعظم نے مینزیز ایوی ایشن گروپ اور سپارز گروپ کی طرف سے ٹانک میں متاثرین کے لئے 100 گھروں کے عطیے پر ان کا شکریہ ادا کرتے ہوئے کہا کہ حکومت سیلاب متاثرین کی بحالی اور ان کو رواں موسم سرما میں چھت کی فراہمی کے لئے ترجیحی بنیادوں پر اقدامات کررہی ہے۔

حکومت سیلاب متاثرین کی بحالی اور انکو رواں موسمِ سرما میں چھت کی فراہمی کیلئے ترجیحی بنیادوں پر کام کر رہی ہے۔ میں ملک کے تمام مخیر حضرات سے گزارش ہے کہ بڑھ چڑھ کر حکومت کا ساتھ دیں۔ ہمیں اس مشکل وقت میں اپنے بہن، بھائیوں، بچوں اور بزرگوں کو قطعاً اکیلا نہیں چھوڑنا۔ https://t.co/tT60exO7Nb

— Shehbaz Sharif (@CMShehbaz) December 9, 2022

وزیراعظم نے ملک کے مخیر حضرات سے اپیل کی کہ وہ اس کام میں بڑھ چڑھ کر حکومت کی مدد کریں ، ہمیں اس مشکل وقت میں اپنے بہن بھائیوں ، بچوں اور بزرگوں کو قطعاً اکیلا نہیں چھوڑنا چاہیئے۔