ایلون مسک نےصحافیوں کے اکاؤنٹس کیوں معطل کئے،یورپی یونین کا ردعمل

یورپی یونین کی جانب سے یہ انتباہ سوشل میڈیا نیٹ ورک کی جانب سے صحافیوں کے اکاؤنٹس معطل کیے جانے پر دیا گیا۔

خیال رہے کہ ٹوئٹر کی جانب سے متعدد ایسے صحافیوں کے اکاؤنٹس معطل کیے گئے ہیں جو ایلون مسک کی کوریج کرتے تھے۔

جن خبر رساں اداروں کے صحافیوں کے اکاؤنٹس معطل کیے گئے ان میں سی این این، نیو یارک ٹائمز اور واشنگٹن پوسٹ کے کئی صحافی بھی شامل ہیں۔

ٹوئٹرنے صحافیوں کے اکاونٹس کی معطلی کی وضاحت نہیں کی تاہم اس حوالے سے ٹوئٹر کے مالک ایلون مسک نے لکھا کہ صحافیوں پر وہی قوانین لاگو ہوتے ہیں جو دیگر لوگوں پر لاگو ہوتے ہیں۔

یورپی یونین کی جانب سے اس حوالے سے ردعمل ظاہر کرتے ہوئے کہا گیا کہ ٹوئٹر پر صحافیوں کے اکاؤنٹس کی معطلی تشویشناک ہے۔

News about arbitrary suspension of journalists on Twitter is worrying. EU’s Digital Services Act requires respect of media freedom and fundamental rights. This is reinforced under our #MediaFreedomAct. @elonmusk should be aware of that. There are red lines. And sanctions, soon.

— Věra Jourová (@VeraJourova) December 16, 2022

یورپی یونین کمشنر Vera Jourova نے ایک ٹوئٹ میں کہا کہ ٹوئٹر پر صحافیوں کے اکاؤنٹس کی معطلی کی خبریں تشویشناک ہیں اور اس پر ایلون مسک کو پابندیوں کا سامنا ہوسکتا ہے۔

یاد رہے کہ دو روز قبل ایلون مسک کے پرائیویٹ جہاز کو آن لائن ٹریک کرنے والا ایک ٹوئٹر اکاؤنٹ بھی معطل کیا گیا تھا