دلہن کو زبردستی مٹھائی کھلانا دلہے کو مہنگا پڑ گیا

بھارت میں ایک دولہا کے دلہن کو زبردستی مٹھائی کھلانے پر دونوں میں گھمسان کا رن پڑ گیا۔انڈیا ٹائمز کے مطابق ایک ویڈیو انٹرنیٹ پر تیزی سے وائرل ہو رہی ہے جسے دیکھ کر لوگوں کواپنی آنکھوں پر یقین نہیں آ رہا کہ شادی کے دن دولہا دلہن اس طرح ایک دوسرے کو زدوکوب بھی کر سکتے ہیں۔ 

ویڈیو میں دیکھا جا سکتا ہے کہ دولہا اپنی دلہن کے منہ میں زبردستی مٹھائی ٹھونسنے کی کوشش کر رہا ہوتا ہے جس پر دلہن اس کے منہ پر طمانچہ رسید کر دیتی ہے۔ جواب میں دولہا بھی اسے دو تھپڑ جڑ دیتا ہے اور پھر دونوں گتھم گتھا ہو جاتے ہیں۔ ایک لڑکا دولہا کو پکڑ کر پیچھے ہٹانے کی کوشش کر رہا ہوتا ہے تاہم ناکام رہتا ہے۔

Kalesh B/w Husband and Wife in marriage ceremony pic.twitter.com/bjypxtJzjt

— Ghar Ke Kalesh (@gharkekalesh) December 13, 2022

27سیکنڈ کی اس ویڈیو کے آخر میں دلہن دولہا کو بالوں سے پکڑ کر نیچے گرا لیتی ہے اور تھپڑ مارنے لگتی ہے۔اس ویڈیو پر کمنٹس میں ناڈو نامی لڑکی لکھتی ہے کہ ”یہ شادی ہو رہی ہے یا طلاق؟“ایک شخص اپنے کمنٹ میں حیرت سے پوچھتا ہے کہ ”اس کے بعد ان دونوں کی شادی ہوئی یا بارات خالی واپس گئی؟“ایک شخص لکھتا ہے کہ ان دونوں نے تو ماں باپ کا پیسہ بھی برباد کر دیا جو انہوں نے ان کی شادی پر لگایا تھا۔