لاہور : سندر انڈسٹریل سٹیٹ کی فیکٹری میں لگنے والی آگ پرقابوپالیا گیا

جی این این کے مطابق سندر انڈسٹریل میں کیمیکل کی فیکٹری میں آج صبح  لگنے والی آگ پر تاحال قابو نہیں پایا جاسکا ،     فیکٹری میں آگ لگنے سے بوائلر پھٹ گئے اور آگ نے قریب میں واقع دوسری فیکٹریوں کو بھی اپنی لپیٹ میں لے لیا ہے، فائر بریگیڈ کی 12 گاڑیاں آگ بجھانے میں مصروف ہیں۔آ گ پر جلدی قابو پانے کے لئے  ریسیکوکی جانب سےواٹر سناکر بھی  استعمال کی جارہی ہے۔

ترجمان سندر انڈسٹریل اسٹیٹ کے مطابق آگ پر قابو پانے کے لئے تمام تر وسائل بروئے کار لائے جارہے ہیں ، سندر انڈسٹریل اسٹیٹ میں 24 گھنٹے ریسکیو سروسز موجود رہتی ہیں۔ ہوا تیز ہونے کے باعث آگ بجھانے میں مشکلات کا سامنا ہے۔  ریسکیو حکام نے فیکٹری کے نزدیک دیگر فیکٹریوں سے مزدوروں کو باہر  نکلنے کی ہدایت بھی کردی گئی ہے ۔واقعے میں کسی جانی و مالی نقصان کی تاحال کوئی اطلاع موصول نہیں ہوئی ۔

واضح رہے کہ سندر انڈسٹریل اسٹیٹ میں 800 کے قریب فیکٹریاں ہیں جبکہ   پنجاب انڈسٹریل اسٹیٹ کا دفتر بھی قریب ہی واقع  ہے۔