انڈس ہائی وے : دھند کے باعث مسافر بسوں میں تصادم ، 8 افرا د جاں بحق

جی این این کے مطابق انڈس ہائی وے شاہ والی کے مقام پر 2مسافر بسیں آپس میں ٹکرا گئیں، تصادم کے نتیجے میں 8 افراد موقع پر جاں بحق ہو گئے ہیں جبکہ متعدد افراد زخمی ہیں.

حادثے کی اطلاع ملتے ہی ریسکیو ٹیمیں موقع پر پہنچ گئیں  اور لاشوں اور زخمیوں کو ہسپتال منتقل کردیا ۔ 

 ریسکیو حکام کے مطابق  حادثہ میں متاثر بسوں  میں سے ایک بس پشاور سے کراچی جا رہی تھی جبکہ دوسری بس کوئٹہ سے راجن پور آ رہی تھی۔