موٹروے پر ٹھوکر سے بابوصابو جانے والی ٹریفک کی روانی متاثر کرنے والے عوامل پر قابو پالیا گیا

 موٹروے پر ٹھوکر سے بابوصابو جانے والی ٹریفک کی روانی متاثر کرنے والے عوامل پر قابو پالیا گیا ایڈیشنل آئی جی ڈاکٹر عثمان انور، ڈی آئی جی موٹروے احمد ناصر عزیز ورک کی ہدایات پر فوری عملدرآمد شروع ہو گیا.

بابو صابو سے ٹھوکر تک پیٹرولنگ افسران و موٹروے پولیس کی گاڑیاں ہر وقت عوام الناس کی مدد کے لیے موجودہیں‘ ٹریفک کی روانی برقرار رکھنے کے لیے 4 اضافی موبائلز تعینات کر دی گئی ہیں.
 ایس پی فیصل اکرم کا کہنا ہے کہ دھند کے موسم میں ٹریفک کو کانووئے کی شکل میں موٹروے سے بحفاظت نکالا جاتا ہے. 

ٹھوکرسے بابو صابو ٹریفک کا دباﺅ نہ ہونے کے برابر رہ گیا ہے‘ دوسری جانب سی پی او بیٹ 12 افضل مجید نے کہا کہ موٹروے پولیس کے اس اقدام اور اضافی نفری کی تعیناتی سے ملحقہ سڑکوں پر بھی ٹریفک کا دباﺅ کم ہوتا ہے.

ڈی آئی جی موٹروے سینٹرل ون احمد ناصر عزیز ورک کی زیر صدارت آپریشنل میٹنگ میں تمام ہدایات جاری کی گئیں‘ میٹنگ میں ایس پی فیصل اکرم،

سی پی او افضل مجید اور دیگر اسٹاف بھی شریک ہوا‘ ڈی آئی جی ناصر ورک نے بہترین کارکردگی پر ایس پی فیصل اکرم، سی پی او افضل مجید کو شاباش دی.

انہوں نے شہریوں سے اپیل کی کہ دھند کے موسم میں رفتار کم رکھیں اور اگلی گاڑی سے مناسب فاصلہ رکھیں دھند میں فوگ لائٹس کا استعمال لازمی کریں کسی بھی راہنمائی کے لیے موٹروے پولیس کی ہیلپ لائن 130 پر رابطہ کریں.