پاکستان میڈیکل کمیشن کا قبائلی اضلاع کے طلبہ کیلئے بڑا اعلان

تفصیلات کے مطابق  قبائلی اضلاع کے طلبہ کےلئے بڑی خوشخبری ، پاکستان میڈیکل کمیشن نے میڈیکل کالجز کا کوٹہ ڈبل کردیا۔قبائلی اضلاع کی سیٹیں136 کی بجائے 240 کردی گئیں، میڈیکل کالجز میں 2 سیٹیں اے پی ایس متاثرین کے لئے بھی مختص کی گئی ہیں۔

وائس چانسلر خیبر میڈیکل یونیورسٹی  کا کہنا ہے کہ  اضافی سیٹوں کا اطلاق رواں سال کیا جائے گا۔سیٹوں میں اضافے کے لئے وائس چانسلر خیبرمیڈیکل یونیورسٹی نے پی ایم سی کو مراسلہ لکھا تھا، صوبے کے 12 میڈیکل کالجز میں قبائلی اضلاع کے طلبہ کو داخلے ملیں گے۔