پاکستان اسٹاک ایکسچینج میں شدید مندی،ایک ہی دن میں 199 ارب روپے سے زائد کا نقصان

منگل کے روز کاروبار کے آغاز پر کے ایس ای ہنڈریڈ انڈیکس 39 ہزار 720 پر موجود تھا۔

اسٹاک ایکسچینج میں کاروباری سرگرمیوں کا آغاز مثبت رجحان کے ساتھ ہوا اور ایک وقت میں انڈیکس میں 222 پوائنٹس اضافے کے بعد 39 ہزار 942 پر بھی دیکھا گیا۔

تیزی کے بعد مارکیٹ کو اپنی لپیٹ میں لے لیا اور یہ اثر دن کے اختتام تک جاری رہا۔

منگل کے روز مارکیٹ بند ہونے تک ہنڈریڈ انڈیکس 1378 پوائنٹس کمی کے ساتھ 38 ہزار 342 پوائنٹس پر آگیا۔

دن میں بھر 365 کمپنیوں کے حصص کا لین دین ہوا ، جن میں سے 300 کمپنیوں کے حصص میں کمی اور 39 کمپنیوں کے حصص کے دام میں اضافہ جب کہ 26 کے دام میں استحکام رہا۔