کوئٹہ :شاہد خاقان عباسی، مفتاح اسماعیل، مصطفی نواز اور لشکری رئیسانی کی مشترکہ پریس کانفرنس 

کوئٹہ: سابق وزیر اعظم شاہد خاقان عباسی نے کہا کہ مشکل فیصلے کرکے ملک میں استحکام لانا ہوگا،آج جو بلوچستان کے ایم این ایز کا حال ہے وہی تمام اراکین کا ہے،کیا وہ بلوچستان کے مسائل کے حل میں کردار ادا کرپارہے ہیں ۔تمام صوبے اپنے معاملات کو طے کریں 

کوئٹہ میں پریس کانفرنس کے دوران شاہد خاقان نے کہا کہ بلوچستان سمیت ملک کو درپیش تمام مسائل کا حل آئین کی عملداری میں مضمر ہے،پاکستان کو ایک نئے سوشل کنٹریکٹ کی ضرورت ہے، پاکستان سیاسی جماعتوں اور میڈیا کے حوالے سے خود کفیل ہے۔

اس موقع پر مفتاح اسماعیل نے صحافیوں سے گفتگو کرتے ہوئے کہا کہ 20 سالوں سے قرض بڑھ رہا ہے، 51 ہزار ارب روپے قرض پہنچ چکا ہے، پاکستان کو اس سال 21 ارب ڈالر قرضے واپس کرنے ہیں۔
انہوں نے مزید کہا کہ بلوچستان میں 80 فیصد بچے غذائی قلت کا شکار ہیں ،حکومت کا آئی ایم ایف سے بات کرنا خوش آئند ہے لیکن یہ کام تاخیر سے کیا گیا۔

سابق وزیر کا کہنا تھا کہ مہنگائی عروج پر ہے حکومتی ادارے اربوں روپے نقصان کررہے ہیں،معیشت پر قابو پانے کیلئے برآمدات بڑھانی ہونگی، زراعت کے شعبے میں بھی بہتری لائی جائے،نیشنل ڈائیلاگ آن دی ری امیجنگ کا اگلا سیشن پشاور میں ہوگا ۔

 لشکری رئیسانی نے کہا کہ حکومت گوادر میں امن و امان کی فضاءبرقرار رکھنے کیلئے کردار ادا کرے، بات چیت کے ذریعے بلوچستان کے حل کےلئے کوشش کریں۔