پنجاب کے نگران وزیراعلی پر ڈنڈی ماری گئی تو پنجاب الیکشن کا قبرستان بن جائےگا

سماجی رابطے کی ویب سائٹ ٹویٹر پر اپنی ٹویٹ میں عوامی مسلم لیگ کے سربراہ شیخ رشید کا کہنا تھا کہ الیکشن کمیشن کے پاس غلطی کی گنجائش نہیں ہے، اگر نگران وزیراعلیٰ پنجاب کے معاملے پر ڈنڈی ماری گئی تو پنجاب الیکشن کا قبرستان بن جائے گا۔

شیخ رشید کا کہنا تھا کہ آصف زرداری کی جیب کی گھڑی گیم چینجروں کی ہاتھ کی چھڑی الیکشن سلیکشن میں بدل دےگی۔

الیکشن کمیشن نے پنجاب کےنگران وزیراعلی پرڈنڈی ماری توپنجاب الیکشن کاقبرستان بن جائےگاغلطی کی گنجائش نہیں۔زرداری کی جیب کی گھڑی گیم چینجروں کی ہاتھ کی چھڑی الیکشن سلیکشن میں بدل دےگی۔حالات انتہائی سنگین ہیں نہ آٹانہ قبرکی زمین میسر ہےملک خانہ جنگی کی طرف جارہاہےکل وطن واپس آرہاہوں

— Sheikh Rashid Ahmed (@ShkhRasheed) January 22, 2023

سابق وفاقی وزیر نے مزید کہا کہ حالات انتہائی سنگین ہیں، غریب کو نہ آٹا اور نہ قبر کی زمین میسر ہے، ملک خانہ جنگی کی طرف جارہاہے۔