باپ نےڈانس کرنے کی ویڈیو سوشل میڈیا پر وائرل ہونے کے بعد اسے گولی مار کر قتل کردیا

میڈیا رپورٹس  کے مطابق لڑکی کی والدہ نے سٹی پولیس کو بتایا کہ وہ اپنی بیٹی اور داماد کے ہمراہ گھر میں موجود تھی کہ اس کا شوہر بختیار گل وہاں پہنچا اور بیٹی کو گولی مار کر قتل کردیا،  کسی شخص نے اس کے شوہر کو سوشل میڈیا پر موجود بیٹی کی ڈانس ویڈیو پر طعنہ دیا جس کے بعد اس نے یہ انتہائی قدم اٹھایا،  متوفی لڑکی اسلام آباد کے ایک امیر گھرانے کے گھر میں ملازمہ تھی جہاں سوات کا ایک لڑکا بھی کام کرتا تھا۔

خاتون کا کہنا تھا کہ اس لڑکے نے مقتولہ کو شادی کی پیش کش کی لیکن اس نے انکار کردیا کیونکہ اس کی پہلے ہی منگنی ہوچکی تھی۔مقتولہ کی والدہ نے بتایا کہ اس کے بعد لڑکے نے اسے بلیک میل کرنا شروع کردیا اور جب وہ اپنی کوششوں میں ناکام رہا تو اس نے بدلہ لینے کے لیے جعلی آئی ڈی کے ساتھ اس کی ڈانس کی ویڈیو سوشل میڈیا پر اپ لوڈ کردی۔

انہوں نے بتایا کہ واقعے کے روز انہوں نے لڑکے کے خلاف اسلام آباد میں ایف آئی آر درج کرنے کا فیصلہ کیا تھا۔