کرپشن کی رٹ لگانےوالےاپنےحساب کی تیاری کریں:خواجہ سعد رفیق

مسلم لیگ ن کے رہنما ؤں نےلاہور میں مشترکہ پریس کانفرنس کی جس میں مسلم لیگ کے سینئررہنما خواجہ سعد رفیق کا کہنا تھا کہ حکمران گورننس میں ناکام  ہوگئے، ان سے حکومت نہیں چل رہی،انہوں نے ادارے اور معیشت تباہ کر دی ہیں،مہنگائی کے ستائے عوام انہیں بددعائیں دے رہے ہیں، حکومت وہ پڑیابیچنےکی کوشش کررہی ہےجس کاچورن کوئی  نہیں خریدتا، کرپشن کی رٹ لگانےوالےاپنےحساب کی تیاری کریں،کرپشن کاچورن اب نہیں بکنےوالا۔

انہوں نے مزید کہا کہ ضمنی انتخابات میں چند دن رہ گئے ہیں، ضلعی انتظامیہ دھاندلی کی مہم میں شامل ہے، حکومت ڈسکہ میں غنڈہ گردی کر رہی ہے، ہمارے ساتھیوں کو ڈرایا جارہا ہے، کھوکھر برادران کے گھروں  کو گرا دیا گیا ہے،قبضہ گروپس کی لسٹ میں ن لیگ کےلوگوں کےنام ڈالےگئے، حکومت نےلوگوں کاجیناحرام کردیاہے،آپ کےخواب میں پی ڈی ایم اور(ن)لیگ آتی ہے،ایسی آمرانہ روش پہلےنہیں دیکھی،جومرضی کرلیں ہماری آوازدبانہیں سکتے،موجودہ دورزیادہ دیرنہیں چلےگا۔

مسلم لیگ ن کے رہنما ایاز صادق نےکہا کہ پی اےسی میں براڈشیٹ کامعاملہ زیربحث نہیں لایاجارہا، ٹرانسپرنسی انٹرنیشنل نےحکومت کوکرپٹ ترین کہا،بنی گالہ کوریگولرائزکرنابدنیتی ہے،ن لیگ نےنیب قانون بھگت لیااب تبدیل نہیں کیاجائےگا۔

مسلم لیگ ن کے رہنما عطا تارڑ نےکہا کہ شہزاداکبرکےبھائی سرکاری اراضی پرقبضہ کرنےگئےتھے اور شہزاداکبرکےبھائی نےپنڈی میں زمین پرقبضہ کرنےکی کوشش کی،تاہم پراپرٹی کےتنازع پر4افسران کےتبادلےکیےگئے۔