جنوبی افریقہ کے خلاف ٹی ٹوئنٹی سیریز ، قومی اسکواڈ کا اعلان ،کئی بڑے نام فارغ

جنوبی افریقہ کے خلاف تین ٹی ٹوئنٹی میچز پر مشتمل سیریز کے لیےچیف سلیکٹر محمد وسیم نے قذافی اسٹیڈیم لاہور میں 20 رکنی قومی اسکواڈ کا اعلان کر دیا۔ جس کے مطابق بابر اعظم قومی ٹیم کی قیادت کریں گے دیگرکھلاڑیوں میں حیدرعلی، آصف علی، افتخار احمد، خوشدل شاہ، حسین طلعت، دانش عزیز،  ظفر گوہر، محمد نواز، فہیم اشرف، عامر یامین، عماد بٹ، محمد رضوان، سرفراز احمد، حارث رؤف، شاہین شاہ آفریدی، حسن علی، محمد حسنین، زاہد محمود اورعثمان قادر شامل ہیں۔

pic.twitter.com/MqySzbvQnC

— Pakistan Cricket (@TheRealPCB) January 31, 2021

دوسری جانب کئی بڑے ناموں کو اسکواڈ میں جگہ نہ مل سکی اور فخرزمان،محمد حفیظ، شاداب خان،عبداللہ شفیق،محمد موسیٰ،   عماد وسیم اور وہاب ریاض  کو ٹیم سے ڈراپ کر دیا گیا ہے۔

خیال رہے کہ پاکستان اور جنوبی افریقہ کے درمیان تین ٹی ٹوئنٹی میچز پر مشتمل سیریز  11 فروری سے لاہور میں شروع ہو گی دوسرا میچ 13 فروری جبکہ تیسرا میچ 14 فروری کو کھیلا جائے گا۔