سانحہ پشاور پولیس لائنز ، شہداء کی تعداد 95 ہوگئی

پشاور: تھانہ پولیس لائنز کی مسجد کے اندر خود کش دھماکے میں اب تک امام مسجد پولیس لائنز صاحبزادہ نورالامین اور اہلکاروں سمیت شہدا کی تعداد 95 ہوگئی جبکہ 221 افراد زخمی ہیں، بم ڈسپوزل اسکواڈ کی جانب سے شواہد اکٹھے کرنے کا سلسلہ جاری ہے۔

پولیس ذرائع کے مطابق تحقیقاتی ٹیموں نے پولیس لائن گیٹ اور خیبر روڈ کی فوٹیجز کا معائنہ بھی کیا، فوٹیج میں موجود مشکوک موٹرسائیکل سوار کلیئر ہے، بارودی مواد گاڑی کے ذریعے پولیس لائن منتقل کیے جانے کا خدشہ ہے۔

 دھماکے والے دن 140 افراد پولیس لائن میں داخل ہوئے، پولیس لائن کے بیرک میں موجود تمام افراد کا ڈیٹا مرتب کیا جارہاہے ۔

حملے میں زخمیوں کو خون دینے کے لیے اپیل کی گئی ہے جس میں او نیگٹو خون خصوصی طور پر عطیہ کرنے کی اپیل کی گئی۔

ویڈیو میں دیکھا جاسکتا ہے کہ زخمی افراد ملبے سے باہر نکل رہے ہیں۔

یا اللہ جس نے بھی کیا، جو بھی ملوث ہے، جو بھی سہولت کار ہے، میرے مولا ان کو نیست و نابود کردیں۔ میرا پختونخوا پھر لہو لہو??#Peshawarblast pic.twitter.com/7eWe2Yi7ds

— Nouman Khan (@inoumanspeaks) January 30, 2023

میڈیا رپورٹس کے مطابق  ہسپتال لائے گئے زخمیوں میں 10 کی آپریشن تھیٹرز میں سرجری کی گئی، حملے میں بھاری دھماکا خیز مواد استعمال کیا گیا جس کے باعث مسجد اور کینٹین کی چھت گر گئیں۔