پاکستانی گیمر نے دنیا بھر میں ملک کا نام روشن کر دیا

تفصیلات کے مطابق وی پلے الٹیمیٹ فائٹنگ لیگ میں پاکستانی گیمرز ارسلان ایش اور ساتھی اویس ہنی نے گرینڈ فائنل میں جگہ بنا نے میں کامیاب ہوئے،دونوں کے مابین سخت مقابلے کے بعد ارسلان ایش ٹورنامنٹ میں جیت کا تاج سمیٹنےمیں کامیاب ہوئے۔

ارسلان ایش ٹیکن 7 کی بین الاقوامی دنیا  میں پاکستان کے ابھرتے ہوئے اسٹار ہیں۔ جنہوں نے فائنل میں اویس ہنی کو 5: 2 کے اسکور سے شکست دی اور بین الاقوامی چیمپیئن ہونے کا اعزاز حاصل کیا۔

ٹورنامنٹ میں کامیابی سمیٹنے والے ارسلان ایش کو 15000 ڈالر بطور انعام دیا گیا  جبکہ رنر اپ اویس کو 10000 ڈالر اور  تیسری پوزیشن حاصیل کرنے والے جے ڈی سی آر نے 8000 ڈالر وصول کیے۔

ٹورنامنٹ کے آغاز میں اویس ہنی کی جانب سے بہترین کھیل کا مظاہرہ کیا گیا لیکن آخر میں ارسلان ایش کی طرف سے اچھی ٹیکنیکس کے باعث اویس ہنی کو ٹورنامنٹ میں  5: 2 سے شکست کا سامنا کرنا پڑا۔