پاکستان تحریک انصاف کے مرکزی رہنما اور سابق وزیر اطلاعات فواد چودھری نے کہا ہے کہ اگر عمران خان یا پی ٹی آئی پر پابندی لگانے کی کوشش ہوئی تو ایسا ردعمل آئے گا جو آپ سوچ نہیں سکتے۔

فواد چودھری کا مزید کہنا تھا کہ حکمران اتحاد کی میٹنگ کے نتیجے میں ایک مضحکہ خیز پریس ریلیز سامنے آئی ہے، ڈمی پارلیمان کا مشترکہ اجلاس بلا کر عوام کے حقوق کو پامال کرنے کی کوشش جاری ہے، ملک میں آئین کو ختم کرکے ایسا گروپ مسلط کر دیا گیا ہے جس کی عوام میں کوئی حیثیت نہیں، عوام سے خوفزدہ گروہ صرف جبر پر قائم ہے۔

2 مقدمات میں حفاظتی ضمانت کا معاملہ۔ عمران خان زمان پارک سے لاہور ہائیکورٹ پہنچ گئے۔ عمران خان کے ہمراہ کارکنوں کی انتہائی کم تعداد روانہ ہوئی جبکہ عمران خان کے ہمراہ صرف تین گاڑیاں قافلے میں موجودتھیں۔ 

دوسری جانب لاہور ہاٸیکورٹ میں چیئرمین تحریک انصاف عمران خان کی جانب سے زمان پارک سے ہائیکورٹ تک سکیورٹی اور گاڑی اندر لانے کی درخواست دائرکی گئی ہے۔

عمران کان کے وکیل سلمان صفدر نے بتایا کہ عمران خان کی سکیورٹی اور گاڑی کو احاطہ عدالت تک لانے کی اجازت کے لیے درخواست دی ہے۔ درخواست رجسٹرار آفس کو جمع کروا دی ہے۔

درخواست میں مؤقف اختیار کیا گیا ہے کہ عمران خان کی جان کو خطرہ ہے، سیکیورٹی فراہم کی جائے۔ عدالت سے استدعا کی گئی ہے کہ عمران خان پر قاتلانہ حملہ ہوچکا ہے،گاڑی کو احاطہ عدالت میں لانے کی اجازت دی جائے۔

سعودی عرب نے اپنی فلمی سیکٹر کو فروغ دینے کیلئے 234 ملین ڈالر کی سرمایہ کاری کا اعلان کردیا۔ 

سعودی عرب سیاحت کے فروغ کے ساتھ ساتھ اپنی فلمی سیکٹر کو بڑھانے کے حوالے سے بھی منصوبہ بندی کررہا ہے جس کے لیے مختلف منصوبوں پر سرمایہ کاری بھی جاری ہے۔

سعودی میڈیا کے مطابق سعودی عرب کے کلچر ڈیولپمنٹ فنڈ کی جانب سے مملکت میں فلمی سیکٹر کو پروان چڑھانے کیلئے  234 ملین ڈالر کی سرمایہ کاری کی منصوبہ بندی کی گئی ہے۔

اس کا مقصد نجی شعبے کو بااختیار بنانے کے ساتھ ساتھ مقامی مواد کو فروغ دینے کے لیے مقامی اور غیر ملکی کمپنیوں کو مالیاتی پیکجز کی پیشکش کرنا ہے تاکہ سعودی فلم انڈسٹری کو سپورٹ کیا جاسکے۔

غیر ملکی میڈیا کے مطابق یہ اعلان ریاض میں ہونے والی ایک تقریب “Ignite The Scene” کے دوران کیا گیا جس کا انعقاد وزارت مواصلات اور انفارمیشن ٹیکنالوجی کی جانب سے کیا گیا تھا۔