کراچی: ڈرامہ شوٹنگ کے دوران علاقہ مکینوں کا سیٹ پر دھاوا، عملے پر تشدد

کراچی: جمشید کوارٹر شوٹنگ کے دوران علاقہ مکینوں نے سیٹ پر دھاوا بول دیا، شوٹنگ سٹاف کو تشدد کا نشانہ بنایا۔

فلم ڈائریکٹر نبیل قریشی نے کہا کہ  پی آئی بی کالونی میں مجھ پر اور میری ٹیم پر ڈرامے کی شوٹنگ کے دوران حملہ ہوا،حملہ کرنے والوں کی تعداد لگ بھگ سو کے قریب تھی،  بنوریہ ٹان پولیس سٹیشن میں ایف آئی آر درج کروا دی ہے۔

اداکارہ حرامانی  کے شوہر نے بتایا کہ حرا بالکل محفوظ ہیں وہ شوٹنگ میں شریک تھیں جو جھگڑے سے کچھ دیر قبل ہی وہاں سے نکل آئی تھیں۔

انہوں نے بتایا کہ ہمیں ایک گھر میں محصور کر کے ہراساں کیا گیا،15 پر کالز کی مگر داد رسی نہیں ہوئی ،پولیس کے اعلی حکام سے رابطہ کیا تب جاکر پولیس پہنچی۔

نبیل قریشی نے مزید کہا کہ بنوریہ ٹان پولیس سٹیشن میں ایف آئی آر درج کروا دی ہے، حملہ کرنے والوں کے محرکات کے بارے میں کچھ معلوم نہیں ہے۔

ایس ایس پی ایسٹ کراچی زبیر نذیر شیخ نے بتایا کہ علاقہ مکین چاہتے تھے کہ ہمارے علاقے میں شوٹنگ نہ کی جائے ،اداکار اور دیگر سٹاف سے بدتمیزی کی گئی۔ صورتحال کنٹرول میں ہے، پولیس نے ابتدائی طور پر 2افراد کو حراست میں لیا ہے، گھر شوٹنگ کے لیے کرائے پر لیا تھا۔