شیخ رشید کی تھانہ مری مقدمے میں ضمانت بعداز گرفتاری منظور

اسلام آباد : مری مقدمے میں شیخ رشید کی ضمانت بعد از گرفتاری منظور ہوگئی 

تفصیلات کے مطابق علاقہ میجسٹریٹ تھانہ مری  محمد ذیشان نے درخواست ضمانت منظور کی ہے ۔ شیخ رشید کی ضمانت پچاس ہزارروپے کے مچلکوں کے عوض منظور ہوئی ہے ، 

واضح رہے کہ اس سے قبل شیخ رشید کو ایک اور بڑی خوشخبری ملی ہے جب این اے 62 راول پنڈی کے ریٹرنگ افسر نے عوامی مسلم لیگ کے سربراہ اور سابق وفاقی وزیر شیخ رشید کے کاغذات نامزدگی آج بروز ہفتہ 11 فروری کو منظور کرلیے گئے ہیں۔

این اے 62 راول پنڈی کے ریٹرنگ افسر نے عوامی مسلم لیگ کے سربراہ اور سابق وفاقی وزیر شیخ رشید کے کاغذات نامزدگی آج بروز ہفتہ 11 فروری کو منظور کرلیے گئے ہیں۔

سربراہ عوامی مسلم لیگ کو جیل حکام نے سیکیورٹی وجوہات کی بنا پر ریٹرنگ افسر کے سامنے پیش نہیں کیا گیا، جب کہ شیخ رشید کی جانب سے نمائندہ اسکروٹنی کے عمل میں شریک ہوا۔

شیخ رشید کو اسکروٹنی کيلئے ريٹرننگ افسر کے دفتر پيش نہيں کيا جا سکا ، تاہم ان کے کاغذات نامزدگی منظور کرلئے گئے ہیں۔ جیل حکام نے ریٹرننگ افسر کو خط کے ذريعے آگاہ کيا کہ شیخ رشید کو سیکيورٹی خدشات پر آر او دفتر نہیں لا سکتے۔

شیخ رشید احمد کے نمائندے نے اسکروٹنی کے عمل میں شرکت کی۔ ریٹرننگ افسر نے شیخ رشید کو کاغذات نامزدگی کی اسکروٹنی کيلئے آج طلب کيا تھا۔

بعد ازاں میڈیا سے گفتگو میں نمائندہ شیخ راشد شفیق نے کہا کہ کل رات سات بجے جیل سے فون آیا کہ ہم شیخ رشید کو پیش نہیں کر رہے۔

انہوں نے یہ بھی بتایا کہ شیخ رشید احمد کی غیر موجودگی میں تمام کارروائی قانونی طریقے سے پوری کی گئی، جس کے بعد آر او صاحبہ نے شیخ رشید کے کاغذات نامزدگی منظور کر لئے ہیں۔

اس موقع پر شیخ راشد شفیق نے الزام عائد کیا کہ شیخ رشید کے ایک ہزار سے زائد بینرز ہٹائے جا رہے ہیں۔ مری سے واپسی پر بھی شیخ رشید کو کسی سے ملوانے لے کر گئے، جس پر شیخ رشید نے واضح کردیا ہے کہ رات کے اندھیرے میں کسی سے نہیں ملوں گا۔