دنیا
ٹورنٹو کے میئر جان ٹوری نے اپنے عہدے سے استعفیٰ دے دیا
جان ٹوری نے اپنی اسٹاف خاتون سے جنسی تعلقات کا اعتراف کرتے ہوئے اپنے عہدے سے استعفیٰ دیدیا
![ٹورنٹو کے میئر جان ٹوری نے اپنے عہدے سے استعفیٰ دے دیا](/media/48712/conversions/10canada-mayor-topart-qkzv-videoSixteenByNine3000-1280x720.jpg)
کینیڈا میں ٹورنٹو کے میئر جان ٹوری نے اپنی اسٹاف خاتون سے جنسی تعلقات کا اعتراف کرتے ہوئے اپنے عہدے سے استعفیٰ دیدیا۔
عالمی خبر رساں ادارے کے مطابق ٹورنٹو کے میئر نے اپنے اسٹاف میں شامل 31 سالہ خاتون کے ساتھ جنسی تعلقات کا اعتراف کرتے ہوئے بتایا کہ وبا کے دوران ہم دونوں کے درمیان تعلقات استوار ہوئے۔
جان ٹوری نے مزید بتایا کہ یہ تعلقات ایک سال تک جاری رہا تاہم رواں برس کے آغاز پر باہمی رضامندی کے ساتھ اختتام پذیر بھی ہوگیا اور وہ خاتون بھی شہر چھوڑ کر جا چکی ہیں۔
ٹورنٹو کے میئر جان ٹوری نے اُن خاتون کا نام نہیں بتایا تاہم اپنے تعلقات کا اعتراف کرتے ہوئے نہ صرف عہدے سے استعفیٰ دیدیا بلکہ اہلیہ اور خاندان سے معافی مانگی۔
جان ٹوری نے کہا کہ اہلیہ اور خاندان کا اعتماد توڑنے پر شرمندہ ہوں۔ اپنی اس حرکت پر معذرت خواہ ہوں جس سے اہل خانہ کے جذبات مجروح ہوئے۔
جان ٹوری نے 2014 میں میئر کا عہدہ سنبھالا تھا اور 2018 کے الیکشن میں بھی انھیں فتح حاصل ہوئی تھی۔ اب میئر کے لیے ضمنی الیکشن ہوں گے۔
پاکستان
حکومت کا عید میلادالنبی کے موقع پر 17 ستمبر ملک بھر میں عام تعطیل کا اعلان
کابینہ ڈویژن نے نوٹیفکیشن جاری کر دیا
![حکومت کا عید میلادالنبی کے موقع پر 17 ستمبر ملک بھر میں عام تعطیل کا اعلان](/media/117422/conversions/756912_79103884-1280x720.jpg)
حکومت پاکستان نے نبی آخر الزمان حضرت محمد مصطفیٰ ﷺ کے یومِ ولادت 12 ربیع الاول کے موقع پر 17 ستمبر 2024 بروز منگل کو ملک بھر میں عام تعطیل کا اعلان کیا ہے۔
کابینہ ڈویژن سے جاری نوٹیفکیشن میں کہا گیا کہ ’17 ستمبر 2024 کو عید میلاد النبی (12 ربیع الاول 1446 ہجری) کے موقع پر ملک بھر میں عام تعطیل ہوگی‘۔
یاد رہے کہ پاکستان سمیت دنیا کے کئی ممالک میں نبی آخر الزمان حضرت محمد مصطفیٰ ﷺ کے یومِ ولادت کا جشن مذہبی عقیدت و احترام کے ساتھ منایا جاتا ہے۔
کھیل
پاکستانی ایتھلیٹ حیدر علی نے ڈسکس تھرو مقابلوں میں برانز میڈل جیت لیا
پیرا لمپکس میں 4 ہزار 400 ایتھلیٹس کھیلوں کے 23 مختلف مقابلوں میں شریک ہیں
![پاکستانی ایتھلیٹ حیدر علی نے ڈسکس تھرو مقابلوں میں برانز میڈل جیت لیا](/media/117444/conversions/علی-1280x720.jpg)
پیرس میں جاری پیرالمپکس میں شریک پاکستان کے واحد ایتھلیٹ حیدر علی نے ڈسکس تھرو مقابلوں میں برانز میڈل جیت لیا۔
تفصیلات کے مطابق حیدر علی نے 52.5.4 میٹر کی تھرو کی، حیدر علی کے مقابلے میں ازبکستان کے کھلائی یولدیشیو نے 57.28 میٹر کی تھرو کر کے گولڈ میڈل جیتا جب کہ اسی دوران کینیڈا کے کھلاڑی زیسیو نے 53.24 کی تھرو کے ساتھ سلور میڈل جیتا۔
واضح رہے کہ حیدر علی نے ٹوکیو اولمپکس کے ڈسکس تھرو مقابلے میں گولڈ میڈل جیتا تھا۔
پیرا لمپکس میں 4 ہزار 400 ایتھلیٹس کھیلوں کے 23 مختلف مقابلوں میں شریک ہیں۔
پاکستان
سرکاری اخراجات میں کمی کے باعث وفاقی حکومت نے نئی بھرتیوں پر پابندی عائد کردی
نوٹیفکیشن کےمطابق ایمبولنس،طبی امداد سے متعلق اور تعلیمی اداروں کیلئے بسوں کی خریداری پر مستثنی ہوگا
![سرکاری اخراجات میں کمی کے باعث وفاقی حکومت نے نئی بھرتیوں پر پابندی عائد کردی](/media/117442/conversions/367533_501604_updates-1280x720.jpg)
وفاقی حکومت کا سرکاری اخراجات میں کمی کیلئے سخت اقدامات کا فیصلہ ،وفاقی کابینہ فیصلے کی روشنی میں ٹھوس اقدامات کا عملی آغاز کر دیا گیا ۔
نوٹیفکیشن کےمطابق وفاقی حکومت کے ماتحت اداروں میں نئی بھرتیوں پر پابندی عائدکردی گئی، ایک سال سے زائد عارضی بھرتیوں کے علاوہ کوئی نئی بھرتی نہیں ہوگی، سرکاری خرچ پر بیرون ملک علاج پر بھی مکمل پابندی عائد کر دی گئی، حکومتی اخراجات پر بیرونی دوروں پر بھی مکمل پابندی عائدکردی گئی، تمام قسم کی نئی گاڑیوں کی خریداری پر بھی مکمل پابندی عائد ہوگی۔
نوٹیفکیشن کےمطابق ایمبولنس،طبی امداد سے متعلق اور تعلیمی اداروں کیلئے بسوں کی خریداری پر مستثنی ہوگا، ہر قسم کی نئی مشینری اور آلات کی خریداری پر بھی پابندی عائد ہوگی، ہسپتالوں ،لیبارٹریز،زراعت، سکولوں کیلئے مشینری اور علات کی خریداری ہو سکے گی ۔
وزارت خزانہ کی جانب سے حکومتی اخراجات میں کمی کیلئے اقدامات بارے نوٹیفکیشن جاری کردیا گیا۔
-
تجارت ایک دن پہلے
اسٹاک ایکسچینج میں مندی کے ساتھ ڈالر کی قیمت میں کمی
-
پاکستان ایک دن پہلے
پی ٹی آئی کو 8 ستمبر کو اسلام آباد میں جلسہ کرنے کی اجازت مل گئی
-
پاکستان 2 دن پہلے
پاکستان میں ربیع الاول کا چاند نظر نہیں
-
تجارت ایک دن پہلے
عالمی منڈی میں پیٹرول کی قیمتوں میں مزید کمی
-
دنیا 18 گھنٹے پہلے
امریکی صدر کے بیٹے ہنٹر بائیڈن کا ٹیکس چوری کا اعتراف
-
تجارت 2 دن پہلے
عالمی منڈی میں تیل کی قیمتیں 9 ماہ کی کم ترین سطح پر آ گئی
-
تجارت 2 دن پہلے
ملک میں سونے کی قیمت میں حیرت انگیز کمی
-
پاکستان 9 گھنٹے پہلے
سرکاری اخراجات میں کمی کے باعث وفاقی حکومت نے نئی بھرتیوں پر پابندی عائد کردی