پاکستان سمیت دنیا بھر میں آج ریڈیو کا عالمی دن منایا جا رہا ہے

آج ریڈیو کا عالمی دن منایا جا رہا ہے جس کا مقصد لوگوں کوشعور، معلومات کی فراہمی اور اظہار رائے کی آزادی کو فروغ دینے کا اہم ذریعہ ہونے کے لحاظ سے ریڈیو کی اہمیت کو اجاگر کرنا ہے۔

اس سال دن کا موضوع ہے "ریڈیو اور امن"اس دن کی مناسبت سے پاکستان براڈکاسٹنگ کارپوریشن نے ریڈیو پاکستان ہیڈکوارٹرز اسلام آباد میں ابھرتے ہوئے ڈیجیٹل براڈکاسٹنگ ایکوسسٹم پر بات چیت کے لئے ایف ایمز، سٹریم چینلز اور او ٹی ٹی شعبوں کے درمیان بات چیت کے ایک جامع پروگرام کا اہتمام کیا ہے۔

بات چیت کے اس پروگرام کے ذریعے براڈکاسٹرز اور سامعین کو نشریات کی صنعت کے اہم کردار اور دائرئہ کار کے سلسلے میں نئے مواقع تشکیل دینے میں مدد ملے گی۔اس بات چیت کا مقصد ملک میں نشریاتی ذرائع ابلاغ کی ترقی اور تاثیر کیلئے رابطے، تعاون اور تنقیدی فکر پیدا کرنا ہے۔ریڈیو موجودہ دور میں ابلاغ عامہ کا ایک اہم ذریعہ ہے جو جنگ، امن، تباہی اور وبائی امراض کے دوران اہم کردار ادا کرتا ہے۔