اسلام آباد: علامہ اقبال اوپن یونیورسٹی اپنے طلبہ کوکاروباری آئیڈیازکو دنیا کے سامنے پیش کرنے کے لئے ا کیڈمک سپورٹ فراہم کر رہی ہے تاکہ ان کے کاروباری تصور کو پروان چڑھایا جاسکے۔

اس حوالے سے شعبہ کیمسٹر ی کے زیر اہتمام گذشتہ روز بی ایس کے طلبہ کی تیار کردہ مصنوعات، ماڈلز/پوسٹرز کی نمائش کا انعقاد کیا گیا جس میں 71طلبا و طالبات نے حصہ لیا، نمائش میں 30پراجیکٹس رکھے گئے۔

تقسیم اسناد کی تقریب سے خطاب کرتے ہوئے شعبہ کیمسٹر ی کی چیئرپرسن ڈاکٹر عظمیٰ یونس نے کہا کہ یونیوسٹی کا مقصدنئی نسل کو انٹرپرینیورشپ کی جانب راغب کرناہے تاکہ وہ والدین کا سہارا بنیں اور ملک کی سماجی و اقتصادی ترقی میں کردا ر ادا کریں۔ انہوں نے کہا کہ یہ نمائش یونیورسٹی میں گولڈن جوبلی کے حوالے سے جاری تقریبات کے سلسلے کی کڑی تھی۔

نمائش کے انعقاد میں سپورٹ فراہم کرنے پر ڈاکٹر عظمیٰ یونس نے فیکلٹی آف سائنسز کے ڈین، پروفیسر ڈاکٹر ارشاد احمد ارشد اور وائس چانسلر، پروفیسر ڈاکٹر ناصر محمود کا شکریہ ادا کیا۔ واضح رہے کہ آئندہ سال یونیورسٹی کی گولڈن جوبلی ہے، وائس چانسلر کی ہدایات کی روشنی میں اس جشن کو بھرپور انداز سے منانے کے لئے یونیورسٹی میں علمی تقریبات عروج پر ہیں۔

الیکشن کمیشن آف پاکستان میں عام انتخابات ملتوی کرنے کی درخواستوں پر مشاورت  ہوئی ۔

الیکشن کمیشن کے ذرائع کے مطابق درخواستوں میں انتخابات ملتوی کرنے کی کوئی ٹھوس وجوہات پیش نہیں کی گئیں ہیں ۔

میڈیا ذرائع کے مطابق الیکشن کمیشن فروری میں عام انتخابات کروانے کیلئے تیا ر ہے ۔

عام انتخابات ملتوی؟ اہم خبر!!
#GNN_Updates #GNN #BreakingNews #NewsUpdates #electioncommision pic.twitter.com/umlJhWuFR0

— GNN (@gnnhdofficial) December 9, 2023

ذرائع الیکشن کمیشن کے مطابق اس وقت ملک میں سیکیورٹی کی صورت حال بھی بہتری کی جانب جا رہی ہے ۔

نگران وزیراعلی پنجاب محسن نقوی سے عراق کے سفیر حامد عباس لفطانے ملاقات کی جس میں باہمی دلچسپی کے اموراوردوطرفہ تعلقات بڑھانے کے حوالے سے تبادلہ خیال کیاگیا اورمذہبی سیاحت اور ثقافت کے فروغ پر بھی بات چیت کی گئی۔

وزیر اعلی نے عراق کے سفیر سے گفتگو کرتے ہوئے کہا کہ عراق کے ساتھ پاکستان کے دیرینہ برادرانہ تعلقات ہیں۔عراق اور پاکستان کے عوام میں عقیدت،محبت اوراخلاص کے رشتے ہیں۔مذہبی سیاحت کے فروغ کا بہت پوٹینشل ہے۔وزیر اعلی محسن نقوی نے کہا کہ پنجاب نے سرمایہ کاری کیلئے سازگار ماحول فراہم کیا ہے۔ لاہور میں سرمایہ کاری کیلئے فسیلییٹیشن سنٹر قائم کیا گیا ہے۔سنٹر میں 20 وفاقی و صوبائی محکموں کے دفاتر ایک چھت تلے موجود ہیں اور بیرونی سرمایہ کاروں کیلئے 106 این او سیز دو ہفتے میں جاری کئے جائیں گے۔

انہوں نے کہا کہ ایسے سنٹرزز راولپنڈی، ملتان، گوجرانولہ اور دیگر بڑے شہروں میں ایک ماہ میں فعال ہونگے۔ محسن نقوی نے کہا کہ عراق اورپنجاب کے درمیان مذہبی سیاحت کے فروغ کیلئے تیزی سے اقدامات کرنے کی ضرورت ہے۔عراقی سفیر نے وزیراعلی محسن نقوی کہا کہ مذہبی سیاحت کے فروغ کیلئے قابل قدر خدمات سرانجام دے رہے ہیں۔باہمی برادرانہ تعلقات کو مزید مستحکم اور پنجاب میں موجود سرمایہ کاری کے مواقع سے فائدہ اٹھانا چاہتے ہیں۔