حافظ آباد کا اڑھائی فٹ کا دولہا ساڑھے تین فٹ کی دلہن بیاہ لایا

دلہا بینڈ باجوں کے ساتھ اپنی دلہن لینے آیاتو اس موقع پر آتش بازی کا بھی شاندار مظاہرہ کیا گیا،سرخ جوڑے میں ملبوس آتی دلہن کو دولہا ہاتھ پکڑ کر اسٹیج تک لایا۔
 
ایک دوسرے کے ساتھ بیٹھے دولہا دلہن کے چہرے سے خوشی جھلک رہی تھی، تقریب کے شرکاء نے جوڑے کیلئے نیک تمناؤں کا اظہار بھی کیا۔

رپورٹس کے مطابق جوڑے کے ولیمے کی تقریب بھی شاندار انداز میں منعقد کی گئی، دولہا کی خوشی دیدنی تھی، دل کھول کر رقص بھی کیا،رشتے داروں نے جوڑے کے ساتھ تصاویر بنوائیں۔