ایف آئی اے کا تحریک انصاف کے رہنما فرخ حبیب کونوٹس

فیصل آباد: وفاقی تحقیقاتی ایجنسی (ایف آئی اے) نے اختیارات کے ناجائز استعمال اور کرپشن کی تحقیقات کے لیے پاکستان تحریک انصاف کے رہنما فرخ حبیب کو طلب کرلیا۔

ایف آئی اے نے فرخ حبیب کو طلبی کا نوٹس جاری کردیا اور انہیں 21 فروری کو فیصل آباد آفس میں پیش ہونے کی ہدایت کی گئی ہے۔

ذرائع کے مطابق ایف آئی اے کی جانب سے فرخ حبیب کیخلاف اختیارات کا ناجائز استعمال، کرپشن کے حوالے سے انکوئری کی جارہی ہے۔ رہنما پی ٹی آئی پر الزام ہے کہ انہوں نے این ٹی یو کے عہدیدارات تنویر حسین کے ساتھ مل کر اختیارات کا ناجائز استعمال کیا۔